Omnibus Christi fidelibus ad quos presens scriptum pervenerit Radulphus permissione divina Norwic[] episcopus salutem in domino sempiternam Sciatis quod cum quedam contentio nuper suborta fuerit inter nos et dilectos nobis in Christo filios dominum Henricum de Lakenham priorem ecclesie sancte Trinitatis de Norwico et eiusdem loci conventus super quadam secta curie a nobis versus ipsos petita ad manerium de Thorpe de tribus septimanis in tres septimanas pro quodam tenemento in Thorp quod vocatur Wallingge quodquidem tenementum nobis solebat reddere viginti tres denarios et unam libram piperis ad festum sancti Michaelis quod nos pro nobis et successoribus nostris predictam sectam petitam predicto domino Henrico priori ecclesie sancte Trinitatis predicte et eiusdem loci conventui et eorum successoribus ecclesie predicte relaxavimus et omnino quietam clamavimus inperpetuum Ita tamen quod predicti prior et conventus et successores sui nobis et successoribus nostris duos solidos et unam libram piperis annuatim ad festum sancti Michaelis persolvent pro omnibus servitiis consuetudinibus et demandis scilicet tam antiquis quam innovatis In cuius rei testimonium presenti scripto sigillum nostrum apponi fecimus Data apud Thorp[] die veneris proximo post festum sancti Valentini anno regni domini regis Edwardi filii regis Henrici octavo decimo

Source Fulltext: Charters of Norwich Cathedral Priory. Barbara Dodwell. Pipe Roll Society, V.78, New Series V.40. Pipe Roll Society. J. W. Ruddock. London. 1974.