Wir Ludewig von gots gnaden Romischer koning zu allen zyten merer des rychs. Enbieten dem edelen man graff Iohan von Nassauwe unserem lieben getrawen unser huld und alles gut. Wir heyszen und enpfelhen dir, das du mit graff Gerlachen von Nassauwe, unserem lantvogt, die stat zu Wepflam twinget und notest, das sie graff Gerlachen das ungelt, das sie uff gehaben habent sint der zyt das wir coning wurden, geben und reichen, und dir mit dem ungelt das itzunt gevellet gehorsam sin, bysz du zweytusent phunt haller auff geheffst. Und willich man dir dar zu bestanden und beholffen ist, der thut nicht wieder uns, uud thut uns und dem riche eynen besunderen dinst dar an..

Der brieff ist geben zu Nurenberg au sant Bartholomeitag, in dem zwelfften iair un- sers rychs.

Schiffner ex diplomatario Cnuteliano zu Idstein, bl. 437. — Reg. Lud. nr. 891.