Wir Ludowich von gots gnaden Romischer chunig ze allen zeiten merer || des riches. Enbieten den bescheiden mannen . . dem rat. . und der gemain J| der purger von Bopfin- gen, unsern lieben getrewn, unser huld und alles | gut. Wann wir euch und allen den, die des riches undertan seint, mit besunderen gnaden maynen sullen und mit getrewm schernie bewaren, bestetigen wir euch von besunder gunst alle die recht und gnade, die euch von alten iaren von kaysern und von chunigen an dem riche verlihen und behalten sein. Und ob ir in kurtzen iaren dar an icht bechrenchet seit zu holtze, zu wisen, und zu aeckern mit gerichte, das vor uns nicht ergangen ist, wellen wir und gebieten euch, daz ir das in nutz und gewer wider bringet in den rechten, als ir es vor gehabt habt. Swer hintz euch dar umb icht zesprechen habe, dem wellen wir ein recht tun.

Der brief ist geben zer Niweinburg, an der mitwochen nach Luce ewangeliste, do man zalt von Crists geburt dreutzehenhundert iar, darnach in dem zwei und zweintzigistem iare, in dem achten iare unsers riches.

Paul Stiilin aus dem orig. auf dem rathhause zu Bopfingen. — Reg. Lnd. s. 440; der dort genannte ausstellort Niimberg findet sich nur in einer der urk. von neuerer hand zugeschriebenen inhaltsanzeige.