Wir Ludewig von gotes gnaden Riiniischer keyser alle zit eyn merer dez riches. Tun kunt allen den, die deme Roniischen riche triiwe schuldig sint, die nu lebent unde hernach kument, die disen brief ane sehent oder hiirent lesen, daz wir uuibe sunderliche gunst unde liebe, die wir tragen zu dem erbern ordene unde den geistlichen liithen den briidern dez dutschen huses sante Marien von Iherusalem, wande sie unsern vorvaren unde unz getruweliche mit dineste und mit rade alle zit sint bygestanden, dez wir sie bil- liche sullen geniezzen lazzen, unde ir miigeliche bede erhiiren: herumbe so nemen wir in unserm schirm unde in de6 Romischen richez schirm ewechliche daz dutsche huz zu Wis- senburg unde die briider, die itzunt da inne sint, unde dio hernach darin kument, unde allez ir gesinde, die in dienent, sie sint phaffen oder leyen, unde allez daz gut, daz zu dem vorgenanten huse gehoret, ez sy gelegen innewendig der stat oder uzewendig, daz sie itzunt hant oder hernach gewinnent. Unde frien unde ledigen daz ewecliche, daz ez weder unz noch unsern vogeten, noch unseren ambetluten, noch niemanne in der welte sol deheinen dienst tun oder stiire geben, noch daz sie nieman beherberge oder sin pferd stelle iu iren hof oder in ir hiiser oder in dhein ir gewalt innewendig der stat oder uzzewendig wider iren guten willen, und daz sie nieman betriibe an irme Hbe oder an irme gute, sunder daz sie geruweg sitzende unserme herren gotte dester baz miigen gedienen. Unde wande wir nu sie zu beschirmen alle zit nit miigen gegenwortig gesin, so gebiten wir dem rade unde den burgern zo Wissenburg bi unsern hulden, die sie unz hant getan, unde bi der friheit, die wir in han bestediget, daz sie daz vorgenante huz an briidera, an gesinde, an gute vor solicher gewalt, also vorgeschriben ist, unde vor beswerde unde vor schaden beschirmen getruweliche, so ez die briider oder ir botten vorderent an sie, wande ez unerlich wer, daz sie iemanne gewalt oder unfuge liezen tun, da sie ez mohten geweren. Wer auch daz daz got enwolle, daz sie dez nit enteden, so wollen wir daz sie unser hulde unde ir friheit haben verloren. Daz diz allez werde ewecliche stede gehalten, so ist durch unser gebot unser ingesigel gehencket an dise hantvesten ze eime rechtem urkunde unde zu ewiger bestedic- keit aller dirre vorgeschriben dinge.

Dise hantvesten ward gegeben zu Wissenburg, an sante Ulrichez dage, dez iares do von unsers herren Ihesu Cristi geburt waren driizehen hundert und drizzig iar, unde in dem sezzenden iare unsers richez, unde in dem dritten iare unsers keysertumez.

Paul Stillin aus abschr. Breitenbachs ex orig. zu Stuttgart; vcrglichen mit abschr. Kausjers aus dem diplomatar der Deutschordenscommende Weissenburg sec. 15, bl. 8, zu Stuttgart. — Reg. Lud. nr. 3290.