Ludovicus dei gracia Romanorum rex semper augustus. Dilectis sibi Stephano et lacobo dicto Sciarre fratribus ac Iardano et Petro filiis quondam Agripti de Columpna nepotibus eorum, nobilibus civibus suis Romanis, gratiam et omne bonum. Illos tenemur favore prosequi gratie specialis, quos hactenus Romano imperio et dive recordacionis im- peratoribus et regibus Roinanis nostris predecessoribus obsequiales reperimus et devotos, quosque nobis et imperio sumpta de preteritis probabili coniectura in antea digne speramus placide servitutis obsequia impensuros. Quapropter exigentibus vestris meritis iudicatus ordinarii et publici notariatus officia ac omnia alia ad hec pertinentia cum execucione de- bita illis, quos ad hoc ydoneos inveneritis, concedendi, necnon quoscunque illegitime natos legittimandi a« abiles ad omnes actus legittimos faciendi omnemque defectum, maculam vel infamiam contractam ex illegittimate huiusmodi abolendi, vobis et vestnim cuilibet ac singulis masculis ex vobis de legittimo matrimonio descendentibus, et insuper cudendi seu cudi faciendi monetam auream, argenteam et eream cuiuscumque cangii vel impressionis in terris et castris ac locis vestris sine contradiccione cuiusquam plenam et liberam de speciali gracia tenore presencium concedimus potestatem. In quorum evidenciam et per- petuam firmitatem presens scriptum seu litteras fieri et nostri imperialis sigilli iussimus appensione muniri.

Datum Ratispone, pridie kal. decembris, anno domini m.ccc. "quinto, regni nostri anno secundo.

Ficker aus der best&tigungsurk. k. Friedrichs III d. d. Rom 1452 apr. 23 im reichsregistratnr- buche P. bl. 35 im staatsarchive zu Wien. — Reg. Lud. nr. 165.