Wir Ludwig von gottes genaden Romischer keyser ze allen ziten merer des riehs. Bechennen und tun kunt oflfenlichen mit disem brif, dass die geistliche manne briider Wolf- rame von Nelleuburg, meister tiitschen ordens in tiitschen landen, der commenthur und die tiitschen herren zu Franckenfurth mit unserm guten willen, wort und gunst einen hof zu Oberndornfeld, uud ein gut zu Niedereudomfeld, die in und des tiitschen huses zu

LUDWIG IV. 134G M.lBZ 22. 549

Franekenfurt gewesen sind, verwechselt hant mit dem edlen manne Ulrichen von Ilanawe und mit sinen erbcn umb den fronhof in dem dorf ze Miirle, den er als unser und des richs burgkman ze Fridberg bisher ze burklehen gehabt hat. Und denselben fronhof und was dazu gehort, besucht und unbesucht, und mit allen rechten, ehren, nutzen und giilten, haben wir den tutschen herren und irem hus ze Franckenfurth gefryet und geeygent, und fryen und eygen in den mit disem brif, also das sie den selben fronhoffe und was dartzu gehort furbas ewiglichen als ir fryes und eygen gut inhaben und niisen sollen. Und sol der vorgenant von Hanawe und sin erben an des fronhoffs statt die obgeschriben hoff und gut ze Oberndorenfeld und ze Niderendorenfeld, von unss und unsern nachkomen an dem riche, keysern und konigen, ze purcklehen als unser und des richs burckman ze Fridberg fordern, empfahen und haben, in allem dem rechten, als sie vormals den fronhoff inne gehabt und besessen haben. Und dariiber ze urkhunde geben wir in mit unserm keyserlichen insigel versigelten disen brif. .

Der geben ist ze Franckenfurt, am mittwuchen nach sant Gertrud tag, nach Cristus geburt drizehenhundert iare, darnach in dem sechs und vierzigsten iar, in dem zwei und dreisigsten iar unsers richs, und in dem neiinzehenden des kaiserthumbs.

Jllger aus niclit bezeichneter abschrift. — Reg. Lud. nr. 2484.