Fridericus dei gratia Rqmanorum imperator semper augustus, Ierusalem et Sicilie rex. Imperiali celsitudini cedit ad gloriam, devotionem fidelium digno favore respicere et eos gratiosa liberalitate munerum ampliare; et tunc precipue gloriosius augusta liberalitas exaltatur, cum non supplicantis precibus, sed motu proprio fidelium suorum obsequia re- compensat. Hac igitur consideratione premoniti, qui Romani frena imperii moderamur, dum Cremonensium, nostrorum fidelium, civitatem in Italia caput et fundamentum imperii inter omnes fideles iinperii fide et obsequiis preminere sentimus, credentes nostris profec- tibus cedere, quod ipsis liberalitate erogamus; concessionem eisdem Cremonensibus, fide- libus nostris, a dilecto filio nostro Henrico, illustri rege Sardinie et sacri imperii legato in Italia generali, factum de castro Roncaroli, prout in scripto eis inde confecto ab eodem filio nostro rege plenius continetur, ratam habemus et de nostre munificentie gratia confir- mamus. Ad huius autem ratihabitionis et confirmationis nostre memoriam et robur per- petuo valiturum presens scriptum fieri et sigillo maiestatis nostre iussimus communiri.

Datum Grosseti, anno dominice incarnationis millesimo ducentesimo quadragesimo tertio, mense ianuarii, secunde indictionis, imperante domino nostro Friderico dei gratia invictissimo Romanorum imperatore semper augusto, Ierusalem et Sicilie rege, imperii eius anno vigesimo quarto, regni Ierusalem vigesimo, regni vero Sicilie quadradesimo sexto. Feliciter. Amen.

Cereda aus dem archive zu Cremona, C. Cremone T. T. T. — Die best&tigte urk. d. d. apud Cremonam, 1243 aug., in welcher kSnig Heinrich kraft seiner legation, aber unter vorbehalt der verfugung des kaisers, das den rebellischen Placentinern durch das kaiserliche beer abgenommene Roncarolo an Cremona verleiht, befindet sich nach mittheilung Wustenfclds gleichfalls im archire zu Cremona.