Wir Ludewig von gotes gnaden Romischer keyser ze allen ziten merer dez richs. Veriehen offenlichen an disem brief, daz wir dem edeln manne Gerlachen graven ze Nazzow, ' unserm lieben swager, durch siner getruwen dienst willen, die er uns getan hat und noch tut, und durch gunst, die wir zu im haben, ime und sinen erben erlobt und verlihen haben ze haben und ze niezzen ein ewiges urvar ze Biburg über Reyn und hinwider über zevaren, und sullen daz inne haben und niezzen mit allen nutzen, die durch recht da von gevallen mugen, und wellen und gebieten, daz in iemand dar an irre bi uusern gnaden. Und dar über ze einem urchund geben wir ime disen brief versigelten mit unserm keyserlichem insigel.

Der geben ist ze Haidelberg, an samztag nach Urbani, nach Kristes geburt druizehen- hundert iar, dar nach in dem sechs und dreizzigestinn iar, in dem zwai und zwanzigestinn iar unsers richs, und in dem nuvnten dez keysertumes.

Schiffner aus dem orig. zu Idstein. — Reg. Lud. nr. 1770.