Wir Karl von gots gnaden Römischer kunig ze allen Zeiten merer dez richs und || kunig ze Beheim. Entbieten dem ratzmester, dem rat und den burgern gemeinlich || der stat zu Hagenaw, unsern lieben getruwen, unser gnad und als gut. Wann || wir umb trew und enthaftikeit Iohanses von Vinstingen, unsere lieben getrewen, die wir an im stet ervarn haben und bekenn*, denselben Iohansen zu unserm lantvogt in Elsazsen gemacht und gesetzt haben, gebieten wir weh vestlich und ernstlich bei unsern hulden, daz ir dem selben Iohanen von unsern wegen gehorsam und undertenig sin sullent, und auch im gewarten mit allen rechten, eren und gewonheiten, die zu der selben lantvogtey von alter und auch ietzunt gehörent, als ir ewerm lantvogt zu recht tun sullent.

Geben ze Hagenaw, an dem achten tag dez heiligen Criststag, in dem andern iar unserer riche.

Ans dem orig. damals im besitze Fichards. Siegel aufgedrückt.