Wir Ludewig von gotes gnaden Romischer keiser zu allen zyten merer des richs. Enbieten unscrm lieben oheiin Iohans grafe zu Nassaw unser huld und alles gut. Wir

LUDWIG IV. 1345 DEC. 21. 547

laessen dich wissen, das wir und unser vorvarn an dem riche, kunige und keyser, die geistlichen frauwent die meysterinne und den convent des closters zu Aldenburg also ge- fryhet haben, das sie dheyeme vogt haben sollen, dann uns von des richs wegen. Haben wir vernommen, das sie die von Solmse swerlichen an yren luden und guten angriffen und beschedigen, und meynen, dieselbe vogty in yr gewalt zu bringen und die von yn innemen und zu nyssen, das uns gar unbillich dunkt. Davon wellen und gebieten wir dir vesteclichen by unsern und des richs hulden, das du die vorgenanten frauwen von unser und des richs wegen schirmest und nicht gestatest, das sie die von Solmse weder an yren luden, noch guten mit dheynen' sachen furbass leydigen, noch beswaren.

Geben zu München, an sant Thomas dage, in dem zwey und drissigsten iare unsers richs, und in dem achtzehenden des keisertums.

Schiffner aus abschr. zu Idstein. — Reg. Lud. nr. 2459.