Wir Elspet von gottes genaden weilend chuniginne zu Rom. Veriehen und thuen kundt offenlich an disem briefe allen den, dy in sehent oder hörent lesen, das wir von der

REICHSSACHEN. 1313 FEB. 2. 713

beweisung und von dem rat unsers geistlichen vater bischolf Wernhart von Passaw mit wolbedachtem muet zu selgeret aller unnsern vodern und sunderlich unsers lieben hern und wirtes chunig Albrecht von Rome und auch unser selber und unser nachkomen sele und sunderlich zu ainer widerlegung der feyrtag, die an unserm sieden zu Hall stat, das wir mit unserm guet von wildem gepirg erbawen haben, ubergangen und zerbrochen wer- dent mit arbait, der man doch zer not nicht enpern mag, unnser almusen von dem vorge- nanten sieden den geistlichen lewten dem prior und den pruedern sand Dominici orden datz Lewben mitgetailt und gegeben haben, also das in unser phleger und amtlewt zu Halstat alle iar an sand Gorgen tag dreyssig fueder durres saltzes geben schullen. Und darumb sol er der vorgenant prior und sein prueder alle iar an sand Philips tag unsers vorgenanten wirfes, der an dem selben tag verschaiden ist, und aller unser vodern und nachkommen und auch unnser selber, wenne wir nicht sein, iartag begeen mit vigilien und mit selmessen und mit andern gottliohen sachen. Wer aber das in unser phleger oder amptlewte zu Halstat das vorgenant saltz an dem vorgenanten tag nicht geben, so gepieten • wir ernstlich pey unsern hulden nnsern purchklewten datz Hallstat, das sy khain saltz zu Hallstat ausfuren lassen, untz das das vorgenant saltz dem vorgenanten prior und den bruedern datz Leuben verrichtet werde. Und daruber das unser vorgeschriben gab und freyung dem vorgenanten prior und den bruedern zu Leuben stet und unzebrbchen beleib von uns und unsem nachkomen, geben wir in disen brief versigelt mit unserm insigel.

Der geben ist datz Newnburg, do nian zalt von Christi gepurd drewzehen hundert iar und darnach in dem drewzehenden iar, an unser frawen tag zu der Kechtmess.

Roth Ton Schreckenstein aus dem copialbuche sec 15 des Dominicanerklosters zn Leoben.