Wir Lud. etc. Veriehen etc., daz wir unserm lieben swager bescheiden haben und bescheiden ze naemen acht grozze turnoys an unserm zolle zu Bacherach, der er viere sol nemen und aufheben an der*chult, der wir im schuldich sein, der do ist hundert tusent phunt und zweintzich tusent phunt haller, do für er ze phande hat Bacherach den tal mit den vesten Stalberg, Stalekk, Brunshorn und Rynbul alles halbes und an den er uns sechs tusent phunt haller von dem daz er aufgehaben hat an disen heutigen tach ab 'geshagen hat. Die selben viere turnoys sol er und sein erben als lang ein nemen und aufheben, unez daz si hundert tusent phunt und vierezehen tusent phunt haller, die noch do beliben, gar und gaentzlich do von auf geheben. So sullen si die anderen viere turnys ein naemen lediclich umb den dienst, den er uns an dem strite getan hat etc., und die vorgenanten bürge ze berichten do mit der burchhute. Und swenn die obgenanten hundert tusent und viertzehen tusent phunt haller von den vier turnoys genomen werden, so sullen die anderen vier turnoys auch ledich sein.

Datum Rat., anuo domini millesimo ccc.xxii., feria secunda post Michahelis, regni nostri anno octavo.

Aus der Registratur» Ludovici (Liber privilegiorum 25) bl. 73 zu Münchep. — Reg. Lud. nr. 473.