Wir Ludwig von gotes gnaden Romischer keysser ze allen zeiten merer dez reiches. Bechennen fiir uns und fiir alle unser siine und erben, di wir itzunt haben und di wir noch gewinnen, offenlich mit disem brief, daz wir noch unser erben dheinerley reht zu dem berge und burgstal zu Obern Mezzingen gehabt haben, und heten uns dez wider recht unter- wunden und unterzogen. Ujid wann uns der ersam geistlich man bruder Wolframe von Nellenburch,' meister deiitsches flrdens in deutschen landen, unser liber heymlicher, in ge- drewelich nach allen unserm willen und gebot gedient hat, und noch alle dag willechlichen tut, so haben wir im, dem orden und den deiitschen heren, di ze Mezzingen sitzent und wonent, ze vorderst durch got und durch seiner bete und dinste willen, und auch darumb, daz wir gentzlich erchennen, daz wir noch unser erben dheinerley reht nie daran gewunnen noch gehabt haben, denselben berg und daz burgstal und auch allen den pawe, der an derselben burg getan und geschehen ist, widergeben, und verzeihen uns dez gentzlich und leiiterliehen mit diesem brief, also daz wir noch chein unser erben, noch niemant anders von unsern wegen cheinerley ansprach oder vorderung darumb zu in nimmer mer ewich- leichen haben schullen, wellen noch miigen. Auch seine wir mit dem vorgenanten meister uud mit dem orden ubereyne chomen, und si mit uns, daz si uns und unsern erben mit demselben deutschen hause ze Mezzinge warten schullent, als mit deu heiisern Aychach und Plumental. Doch schulen wir ir leiite und ir gut mit cheinerley steiir oder vorderung niht angreifen noch besweren. Und schulen si lazen beleiben bei allem dem rehten, eren, freyhayten und gewonheyten, di der orden von alter herbracht und gehabt hat. Und da- riiber ze urchunde geben wir in disen brief versigelten mit unserm keyserlichen insigel.

Der geben ist ze Lantsshut, dez eritages vor dem sunnentag, so man singet Oculi, naeh Kristus geburt dreiizehen hundert iar, darnach in dem siben und virzigstem iar, in dem dreii und dreizzigsten iare unsers reiches, und in dem zweinzigsten dez keyserthums.

Paul Staliu aus abschr. Breitenbachs zu Stuttgart. — Beg. Lud, nr. 3542.