KARL IV. 1365 IAN. 21. 583

Wir Karl von gotes gnaden Romischer keiser zu allen ziten merer des richs und kunig in Beheim. Tun kunt mit disem brief, das wir ver urteilt und verzalt haben den edeln Emichen von Dun, und haben im genomen e und relit, eygin und lehen, und geben daz eygen dem cleger, || den lehen den herren von den sie ruren, kunden sein wip zu witwen, sine kint zu weysen, sinen lip den vogeln, und nemen im alle '| reht, und setzen in in unser und des. heilgen richs unreht, und' derlauben in allenneniglich, wanne es der edel Iohan von dein Oberstein, unser und des heilgen richs lieber getruwer, uff in kainpflich erclagt hot als reht ist. Do von gebieten wir allen fursten, geistlichen und wertlichen, allen graven, frien, dienstluten, rittern, knehten, richtem, steten, gemeinden, und mit namen allen den, den diser brief gewist und gezeiget wirt, unsirn und dez heilgen richs lieben getruwen, daz sie dem egenanten lohan vom Stein uff den vorgenanten Einichen von Dun beholffen sein und in schinnen und schauren uff sinen leib und uff sein gut, als offte und als dicke, als es der selbe Iohan vom Stein an ewer einem oder ieclichen besunder vordert, und als offt im des not geschiht. Ir solt auch den egenanten Emichen von Dun meiden und meiden heizzen in allen ewren vesten, steten und gerihten, und mit aller gemeinsame, wie die ge- heizzen ist. Und wer die wern, die des nit enteten, wanne es an sie gefordert wurde, die wern und teten sere wider uns und daz heilge reich, und wolten auch darumb rihten und heizzen rihten in unserm keyserlichen hove vor unsenn hofgerihte zu in als reht wer. Mit urkund ditz briefs, versigelt mit unserm keyserlichen hofgerihtes anhangendem insigel.

Der geben ist zu Prag, an sant Agneten tag, unser riche in dem neunzehenden, und des keisertums in dem zehenden iare, nach Cristi geburt dreutzehenhundert iare und in dem funf und sehtzigsten iare.

Nach abschr. Rossels aus dein orig. zu Vollrats im Rheingaue.