Wir Ludowich von gots genaden Römischer cheyser ze allen ziten merer dez rychs. Veriehen offenlich an disem brief und tun chunt allen den, die in ansehent oder horent lesen, daz wir der edeln frawen Agnesen witiben weylent graf Ulrichs von Helfenstein be stätigt haben und bestätten mit disem bripf zwelf hundert march sylbers auf der veste zu Spitzenberg und swaz dar zu gehöret von defa gelt, dar umb diu selbe vest Spitzenberg und swaz dar zu gehöret vor von uns und von dem ryche pfandez versetzet ist den von Helfenstein, dez zwei tausent march waren, und der im noch acht hundert march silbers dar auf bleibent. Und dar über ze urchund geben wir in disen brief versigelten mit unserm insigel.

Der geben ist ze Auspurch, an dem suntage nach sant Lucastag evangelisten, da man zalt von Christes geburt drutzehenhundert iar, [darnach in dem ein und dreizzigsten iar,] in dem sybentzehenden iar unsers richs, und in dem vierden des chaysertums.

Stalin aus abschr. des prälaten von Schmid ans dem ehemals zu Ulm befindlichen originale. - Reg. Lud. nr. 3321.