Wir Ludowig von gotes gnaden Romischer chunig ze allen ziten merer dez riches. Tun chunt allen den, die disem brief ansehent oder hiirent lesen, daz wir unserm lieben getruwen Cunrad dem alten von Winsperg versetzet haben uud versetzen auch mit disem

LUDWIG IV. 1316 MAI 11. 485

brief unser stat Sunnesheim mit gerihte, mit gewonlicher sture und mit allem nucze und reht, daz darzu gehoeret, viir zwai tusent pfunt haller, die er unserm lieben getruwen Engelhart von Winsperch, sinem vettern, an siner schulde vur uns abe geschlagen hat und vur uns richteclich vergolten. Und wollen daz er und sine erben dieselben stat Sunnes- heim ilnd allez daz darzu gehoret, also vor geschriben ist, zu pfande haben und niezzen, und in die purger in der stat hulden und sweren, also lange gehorsam ze sien an unser und dez riches stat, uncz daz wir oder unser nachchomen an dem riche, kunige oder keiser, sie von in umb die selben zwai tusent pfunt haller wider loesen. Und daz daz stete und unzerbrochen blibe zu urchunde, haben wir disem brief mit unserm chuniclichem insigel versigelt.

Der geben ist zu Nuremberg, an dem eritag nach sant Iohans tag ante portam lati- nam, do man zalt von Criestes geburt druzenhundert iar dar nach in dem sechszenden iare, in dem andern iare unsers riches.

Stalin aus dem archive zu Oehringen. — Reg. Lud. nr. 3159.