Dei gratia Ottq etc. W. viro honorabili et amico et pa.tri reverentissimo patriarche Aquileiensi gratiam suam et bonam voluntatem. Multo affectui et sollicitudini tue, quam circa nos habuisti et habes, sicut nec potuimus nec possumus condigne respondere, te ta- men sicut nosmetipsos in omni bono et prosperitate semper consistere affectamus. Dies tuos in pace optamus prolongari et in omni felicitate et gaudio te eosdem consummare semper optabimus sicut debemus cum desiderio sitienti, quia nihil aliud te velle vel desi- derare veraciter agnoscimus, nisi bonum nostrum et ea que pacis sunt et que ad nostrum et imperii omnimodis conducunt honorem. Unde cum status hoster quem semper in bona felicitate prosperari desideras, bonus sit, eum tibi exponere volentes, significamus quod sani sumus et incolumes per gratiam dei a quo omne bonum recognoscimus. Et quod super lantgravium proditorem nostrum cum exercitu nostro magno et forti potenter consistimus, et terram eius et castra vastavimus et incessanter vastamus, sicut nuntius tuus poterit tibi intimare. Et non tam eum quana alios ita sue machinationis fecimus*et faciemus penitere, quod modo in sua presumptione frustrati de cetero nihil talium contra nos audebunt atteil- tare. Insuper quoque tue voluntati ac consilio satisfacientes, significamus tibi quod matri- monium omnibus fidelibus et amicis nostris diu desideratum cum carissima couiuge nostra Beatrice die dominica ante festum beati Iacobi feliciter et sollempniter consummavimus.

232 OTTO IV. 1212 1ULI 30.

Quod tue voluntati tanto affectuosius esse recognoscimus, quanto magis nobis ac benevolis nostris non dubitamus profuturum. Cum itaque te tamquam dimidium anime nostre dili- gamus, et plenam in te sicut debemus habeamus confidentiam, quam in omni necessitate' rerum experimento semper didicimus fidelissimam, rogamus dilectionem tuam, ut in eo quo cepisti fidelitatis proposito circa nos semper perseveres sicut utique te perseverare non dubitamus. Et nos et omnia nostra habeas diligentissime commendata et in omnibus ne- gotiis nostris que nostro et imperii honori expediunt, te sicut hactenus diligentissimum ex- hibeas provisorem, et nos de statu tuo, quem iucundum semper esse cupinnls et in omni bono prosperari desideramus, nos frequentius reddas certiores, quiatuumbonumnonminus' quam proprium diligimus et commodum nostrum reputamus. De statu autem Venetorum, qualiter se circa nos habeant, te volumus experiri et caute-apud eos studeas investigare, qualem nobiscum affectent habere compositionem, quia per dei gratiam et auxilium fidelium nostrorum lantgfavium, inimicuin nostrum, ad eam iam perduximus et perducemus neces- sitatem, quod castrum suum Wizensse 2 et ipsam civitatem eo invito et suorum fautorum indubitanter obtinebimus, preter alia castra sua que iam cepimus, et ea que in brevi ob- tinere proponimus, nisi idem a sua stultitia mature resipuerit et ad nostram, quod solum ipsi superest remedium, quantocius graciam redierit et amorem. Nuntium vero tuum ma- gistrum Laurfentium] ideo scias nos retinuisse, ut per ipsum si qua inter nos et lantgra- vium intervenerit comnpsitio, te possimus reddere certiorem. Volumus etiam et monemus, ut nuncios tuos ad partes Italie dirigere sepius studeas, qui ipsos Lombardos in nostro frequentius confortent servitio.

Datum \yizensse 2, iii. die kal." aug.

Nach dem drucke: Rubeis Monumenta ecclesiae Aquilejensis (Argentinae 1740) s. 659 nach einer von Florius gefertigten abschrift. — ' Dr. perseverare. — 1 Dr. Wrzenffe.