Wir Ludwig von gotes gnaden Römischer kaiser ze allen ziten merer des richs. En- bieten unsern lieben getrewen burgern und dem rat der stat ze Goslar unser huid unde als gut. Umb die ansprach, die Chûnrad Brunes unde Liutolf von der Wisen getan hant vor unserm hofgeriht hinz Hainrichen von Maneken, Ûlrichen Westvales, Ulrichen von Makenosen, Thilen Dassenosen, Iohan dem Iungeri, Sanderus de Scrivere, Dietrichen von Uslere, Iohansen von Maneken, Albrechten von Rüden unde Hainrichen von Edemissen unde den burgern gemainlich ze Emmbek, lazze wir iueh wizzen, daz wir durch sün unde durch frids willen beider tail in enpholhen haben unde enphelhen mit disen briefen, die selben ansprach ze rihten minneclich unde lieplich, ob ir mügent, oder aber mit dem rehten uf iuwer aid, als diu clag herkomen ist, unde nach der stet reht ze Emmbeken, wan si uns beider seit gelobt hant unde auch veriehen hant vor unserm hofgeriht stet ze halden, waz ir dar uz tûnt mit der minne oder mit dem rehten, als hier vor geschriben stet. Da von wellen wir unde gebieten in vesticlich unde erenstlich unde bi unsern hulden, daz ir beiden tailen für iueh tagt gen Goslar, unde die selben sache unde ansprach, die zwischan in ist, verriht nach iwern trewen unde aid bis uf unser frawen tag der lattern, der nu schierst kumt. Tet ir dez niht, so wizt daz wir dar umb zu in haizzen rihten, als reht ist. Unde weder tail under in die rihtuug sumen wölt oder niht stet hielt, daz súlt ir uns wizzen

522 LUDWIG IV. (1336 IUNI 12).

lazzen mit iwern briefen, daz wir dar nach rihten haizzen,»als reht si. Dez geb wir iu ze einem urkund disen brief versigelt mit unses hofgerihtes insigel.

Datuin in Ezzlingen, anno domini m.ccc.xxxxi.*, feria iiii. ante Viti.

Volger nach dcm orig. im archive zu Goslar. welches schon kurz nach dcr ausstellung zum umschlage cines rcgisters verwandt wurde. Das siegel war auf die riickseite gedruckt. — Das datum der urkunde wiirde 1341 iuni 13 ergehen, was mit dem itinerar nicht zu vereinigen ist. Nohmen wir an, das letzte x sei undeutlich und, wie so oft, leicht mit v zu verwechscln? so stimmt das datum so genau mit der ausstellung Reg. Lud. nr. 1774. 75 zu Esslingen 1336 iuni 12, dass ich nicht anstehe, einen lcsefehler zu vermuthen.