Wir Ludewig von gots ghaden Romischer keiser zu allen ziten merer des reychs. Tiin chunt allen den, die disen brief ansehent oder horent lesen, daz wir angesehen han die genemen und nutzbern dienst, die uns und dem reych die edeln manne Emch graf von Nazzawe und Gotfrit graf von Dietsch untz her getan habn und noch wol getiin mogen, und habn den vorgnanten graven und iren erben gefriet purg und stat datz Dietsch, und sullen die vorgnanten purg und stat und alle ir purger alle die friheit, reht und gewonheit habn und niezen, die Frankenfurt, unser und des reychs stat, und ir purger untz her ge- habt hat und noch hat. Und dar uber zu urkunde geben wir in disen brief versigelten mit unserem keiserlichem insigel.

Der geben wart zu Suntzin, an fritage. vor sand Walpurge tag, do man zalt von Christes gepurt dreutzehen hundert iar, dar nach in dem neunden und zweintzigstem iare, in dem funfzehendem iare unsers reychs, und in dem andern unsers keisertumes.

Schiffner aus nicht bezeichneter quelle zu Idsteiu. — Reg. Lud. nr. 1020.