Albertus dei gracia Romanorum rex semper augustus. Venerabilibus viris episcopis, abbatibus, prepositis, decanis ceterisque ecclesiarum rectoribus, egregiis et prudentibus viris comitibus, nobilibus, castellanis, ministerialibus, vasallis, habitatoribus, communita- tibus et populis universis in provinciis Fori lulii et Hystrie residentibus graciam suam et

ALBRECHT L 1298 DEC. 23. :m

benivolam voluntatem. .Speoiali quadam inter tot et tantos negotiorum ingravescentium fluctus, quibus assidue pectori nostro matcria cogitationis infunditur, meditatione perangi- niur et anxietate pervigili meditamur, qualitcr ille nobiles1 Fori Iulii et Hystrie provincie, utpote generosum imperii Romani pomerium, in quo regie maiestati ex sui placidi cultus amenitate non infima deleotatione complacuit, rediviva quiete refloreant et post dire longe- que fatigationis hostilis2 angustias et eximie bellice turbines tempestatis in portu votive tranquillitatis et pacis pulchritudine conquiescant. In hiis siquidem provinciis suos impe- rium recognoscit alumpnos. Hic est enim ortus imperii delicatus, in quo grate subiectionis vernantes et floridos3 flores colligit et devote dulcedinis, poma gratiose decerpit. Nimirum igitur circa cultum et munimen ipsius regie celsitudinis curiosa versatur intentio et pro- pensioris vigilantie studium adhibetur, ut et ille per devotionem sinceram puritatis respi- rent odorem et per fidelitatem integram exspectatum constantie fructum reddant. Vero quia tunc utiliter regio regitur, dum. directi rectoris ducatu dirigitur et vigili presidentis industria gubernatur: nos cupientes, quod ipse provincie rectoribus gaudeant circumspectis, illustres viros Ottonem, Ludewicum et Heinricum fratres duces Carinthie, affines et fideles nostros dilectos, quos experte circumspectionis et fidei merita nobis reddunt amabiles et probatos, strenuitas efficit clariores, vobis et predictis provinciis prefecimus in rectores et vicarios speciales, earundem provinciarum regimen vice nostri nominis exequendum eis plenarie comittentes, ut eorum studioso ducatu et preserventur a noxiis et in salutarium solio solidentur. Propter quod devotionem et fidelitatem vestram monemus, requirimus et hortamur attente, nichilominus vobis auctoritate regia iniungendo, quatenus eosdem duces tamquain ymaginarios nostre presentie hilariter et devote curetis suscipere ac in omnibus, que ad creditum eis spectant officiuni, reverenter ipsis parere ac humiliter promptis affec- tibus obedire velitis, assistendo nichilominus predictis viriliter, ut castra, municiones et terre per quoscunque distracte illicite ad manus vassallorum et fidelium Aquilegiensis ec- clesie retrahantur, ut devotionis et fidelitatis vestre constantiam liberaliter regia provisio, que servicia novit remunerare fidelium, digna proinde vicissitudine prosequatur.

Datum apud Nurenberch, x. kal. ianuarii, indictione xii., anno domini m.cc.lxxxxviii., regni vero nostri anno primo.

Aus neuer abschr. auf der universitatsbibl. zu Gratz, in weleber unten das siegel angedeutet ist, so dass sie einem orig. (zu Wien) entnommen sein diirfte. — Reg. Alb. nr. 610. — 1 Hs. nobilit. — * Hs. hottilei. — 3 Hs. foritot.