Conradus dei gratia Romanorum in regem electus, semper augustus, Ierusalem et Sicilie rex. Quociens a fidelibus imperii aliquod iustum et honestum de [nostra] gratia po- stulatur, dignum est et consentaneum racibni, ut imperialis celsitudo de magnificentie sue dono petita de gratia liberaliter largiatur. Hinc est quod iustis peticionibus Andree Zeni potestatis et communis Iustinopolis, fidehum nostrorum, grato concurrentes assensu volentes eisdem fidelibus imperii et nostris et dicte civitati Iustinopoli, que fundata fuit a prede- cessore nostro dive memorie imperatore Iustino, graciam facere specialem, volumus et • presentis scripti privilegio largimur, ut prefata civitas Iustinopolis liberam habeat potesta- tem de fidelibus imperii, undecumque et quandocumque Toluerit, sicut imperialis civitas ab imperatore fundata, eligendi sibi potestatem, et in aliis omnibus que meram Hbertatem contingent libere utatur et plena gaudeat libertate, salvo honore et fidelitate nostra et salvo servicio quod exinde debetur imperio. Ad huius autem gracie nostre memoriam et robur perpetuo valiturum, presens privilegium exinde fieri, et sigillo magestatis nostre iussimus communiri.

Presentibus: Bertoldo marchione de Hoemburghe, Henrico comite de Spiczimbergh, Alberto domino de Trimbergh, magistro Gualterio de Ocra regni Sicilie cancellario, Phy- lippo Chenardo, Hugone de Abdemar, et Fulco Rubeo de Calabria, et aliis quam pluribus.

Data in Hystria apud portum sancte Marie de Rosa, anno dominice incarnationis millesimo ducentesimo quinquagesimo primo, mense decembris, decime indictionis, anno vero regni nostri primo. Feliciter. Amen.

Quod privilegium ego magister Iohannes de Brundusio regie curie notarius de man- dato dicti domini regis scripsi et signo meo consueto signavi.

Aus gleichzeitiger copie im staatsarchire zu Wien. — Reg. Conr. nr. 120.