F. dei gracia Romanorum rex et semper augustus et rex Sycilie. Consulibus domus de Fontana et omnibus de eadem cognacione graciam suam et omne bonum. Devocioni vestre memorie duximus reducendum, qualiter dilectus familiaris noster C. Metensis epis- copus et imperialis aule cancellarius et in Italia legatus vobis districte precepit, ut monas- terio sancti Salvatoris Papiensis, quod ad nos speciali protectione pertinet, non inquietetis, nec impediatis possessiones ipsius monasterii, videlicet Caneti et Coregii et iugerum quod est in territorio et curia Monticelli, sed pacifice tenere et possidere permittetis. Quam pre- ceptionem ratam et firmam habentes, mandamus districte precipientes et sub pena mille marcarum argenti, quarum medietas fisco nostro et reliqua medietas predicto nionasterio persolvatur, quatenus secundum predictam preceptionem nostram et dicti cancellarii legati nostri predictum monasterium, quod vere possidere et in vera esse possessione constituimus dictorum Caneti et Coregii et iugerum, nullo modo inquietetis vel impediatis, sed pacifice tenere et possidere de cetero permittatis, ita quod ulterius ad nos nulla querimonia de- feratur.

Datum in castris in episcopatu Mantuano, undecimo kal. octobris.

Nach authentischer copie von 1221 im archive zu Mailand. — Reg. Frid. nr. 375.