Wir Ludowig von gotes genaden Romischer kaiser ze allen ziten merer des reichs. Enbieden dem edeln mannegrafWalramenvonSpanheim, unserm laudvogt in der Wetrey, oder swer nach im da selben lantvogt wirt, und den wisen luten . . den burgermeistern . . den schepfen und . . den burgern gemeinlichen ze Franchenfurt, unsern lieben getruwen, unser huld und alles gut. Wir lazzen iuch wizzen, daz wir die ersamen geistlichen frawen . . die abbtissin und den convent des closters ze Trone, unser lieb diemutigen, mit ir lute und gut in unsern besundern schirme, genade und sicherheit genommen haben, und nemen auch mit disem brief, also daz wir wellen, daz sie, ir hite und gut, swie die genant oder swo si gelegen sind, nieman, er sei edel und unedel, an reht mit dheinen sachen laidig noch beswar. Da von wollen und gebieten wir eu allen gemeinlichen, und ewer ieglichem besunder vesticlich und erastlichen bei unsern und des reichs hulden, und manen uich der truwen, der ir uns und dem reiche gebunden seit, das ir die selben closterfrawen mit ir hite und gut von unsern und reichs wegen gen allermenlich schirmt, schiizt, und niht ge- statt, daz si ieman an reht leidig noch beschedige iu dhain weis. Uiid war das ir daizu hilf bedorft, so haben wir den burgermeistern . . den schepfen und . . den burgern gemein- lichen ze Geylnhusen, Wepflarn und Fridberg ernstlich enpfolhen und geboten, das si eu daizu beholfen sulen sein, swenn ir si des ermanent.

Geben ze Franchenfurt, an sant Gregorientag, in dem zwei und dreissigsten iar unsers richs, und in dem neuntzehenden des keisertums, anno domini nullesimo trecentesimo qua- dragesimo sexto.

Schiffner aus nicht bezeichneter quelle zu Idstein. — Reg. Lud. nr. 2483.