Wir Wentzlaes von gotes gnaiden Romischer künig zu allen Zeiten merer des rychs und künig zo Behein. Embieten dem hoichgebornen Wilhelm von Gulich hertzougen zum Berge, unserm lieben neven und fursten, unser gnaid und alles gut. Lieber neve und furste! Von redlichen sachen wegen, de unss und das reich antreten und ouch durch vornufl" trewe, de wir unss zo dir vorsehen, haben wir dir als unserm und des reichs vaig'te de vogtey der stat zu Herfurt mit allen yren rechten, eren, nutzen, wirden und zogehoerongen empfolhen und empfelhen dir de mit craft diss briefs, rechter wissen und Romischer kü- nickliger mechte, das du unser und des reichs vogt do sin sollest und de burger und in- woner doselbist als des reichs voigt schützen und schirmen sullest. Undmeynen und wollen, das du aller der rechte, eren, nutzen, wurden und zogehoerongen, de zu derselben vogety gehören, genyessèn und gebruychen sullest und mögest, dy ander unser und des reichs vogte von rechte oeder gewoenheit geneyssen oeder gebruchen sullen oeder mugen in dheneweis. Daromme so gebieten wir allen fursten, geistlichen und werntlichen, graven, vryen, dienstlutten, ritteren, knechten, gemeynschefften der stette, merckte und dorffer, und mit namen den burgern und inwonern der egenanten stat zu Herfurt, unsern und des reichs lieben getruwen, das sie dich an solicher vogty, iren rechten, eren, nutzen, wirden und zogehoerongen nicht hindern noch irren in dheneweis, sunder dich dartzu hanthaven, schützen und schirmen, als- sie unser und des reichs swere ungenad wollen vonneyden. Mit Urkunde dis briefs versigelt mit unser kunickliger maiestat insigel.

Geben zum Ratobink, nach Cristes geburt dreytzehenhundert iair und darnach in dem zwey und achtzigsten iaren, an dem nechsten mitwochen fur sant Lucien tage, unser reiche des Bohemschen in dem tzwentzigisten, und des Roinischen in dem sibendem iaren.

Ficker aus gleichzeitiger nbschr. im statthaltereiarchive zu Innsbruck. — Der ausstellort, viel leicht Rarobink zu lesen, ist iedenfalls in Böhmen, wahrscheinlich in der nahe von Prag, wo der künig sich in iener zeit aufhielt, zu suchen.