CCCLXXVI.

Rectori Romandiolae, ne novas infeudationes peragat. Reg. An. 1. de Curia ep. 86. Tom. I. fol. 88.

Nicolaus episcopus etc. Dilecto filio Nobili

viro Bertholdo de Filiis Ursi, civi Romano, totius

provincie Romaniole, Civitatis Bononiensis, Comi-

tatus Brittenorii et pertinentiarum eorundem Re-

ctori, salutem etc. Cum te ad provincie Romaniole,

Civitatis Bononiensis, Comitatus Brittenorii et per-

tinentiarum eorundem partes, que nostri et ecclesie

Romane pleni iuris, ditionis et principatus existunt,

commisso tibi Rectorie officio in temporalibus, de-

stinemus: nos intendentes, quod iura, que in eisdem

partibus, nova cultura virentibus, nobis et ecclesie

28*

220 NICOLAUS PP. III. ANNO CHRISTI 1278.

predicte debentur, gratis succrescant auspiciis, uber- tate fructificent et successibus prosperis augeantur, devotioni tue presentium auctoritate mandamus, quatenus nichil in temporalibus infeudare, ratifi- care vel quomodolibet confirmare procures; sed que inveneris, personas infeudationes, ratificationes et confirmationes huiusmodi postulantes, res, que petuntur, et omnes et singulas circumstantias pre- missorum, postulantibus eisdem curialiter exauditio- ne suspensa, nec aliqua diffidentia vel desperatione precisa, nobis fideliter per litteras tuas scribas, ut de personis, rebus et circumstantiis eisdem per te ple- nius informati, quid in hac parte fieri magis expe- diat, maturius discernamus: proviso, ut qui ad con- sequenda et manutenenda in eisdem partibus iura predicta transmitteris, ea quoquomodo non minuas, vel quomodolibet alienes. Datum Viterbii vn. Ka- lendas Octobris, Pontificatus nostri anno primo.

cccLxxvn.

Episcopo Ostiensi legato in Romandiola et B. Ursino eius- dem provinciae rectori in temporalibus, ut in bene gerendo munere invicem se adiuvent. Reg. An. I. ep. 34. Tom. H. fol. 40.

Nicolaus episcopus etc. Venerabili fratri L. Ostiensi et Velletrensi Episcopo, apostolice sedis Legato, et dilecto filio Nobiti viro Bertoldo de Fi- liis Ursi, civi Romano, totius provincie Romaniole, Civitatis Bononie, Comitatus Brittenorii et perti- nentiarum eorumdem Rectori, salutem etc. Provin- cie Romaniole, Civitatis Bononie, Comitatus Brit- tenorii et pertinentiarum eorumdem partes, ac earum incolas, qui nostri et ecclesie Romane pleni iuris, ditionis et principatus existunt, placida cultura vi- rentes in pectore nostro conscripsimus, et illos quasi ante nostros oculos constitutos in memoria retinemus, cura procurantes sollicita, quod ipsi et iura, que inibi nobis et ecclesie predicte debentur, gratis succrescant auspiciis, pacis ubertate fructi- ficent, et successibus prosperis augeantur. Digne itaque te, frater Episcope, quem omnipotens do- minus diversarum gratiarum virtutibus insignivit, ad horum prosecutionem elegimus, et inibi plene legationis ofiicium et reformationem concordiarum tibi duximus committenda, addito insuper, quod inibi in temporalibus exerceas vices nostras, spe- rantes, quod tuis preclaris studiis iidem partes et incole salubriter iuxta nostra desideria dirigantur, ac a noxiis preserventur: et ut tu, predicte Epi- scope, ad ofiicium et reformationem eadem sufiultus ministris ydoneis liberius possis intendere, te, fili Rector, ad partes easdem transmittimus, ut in eis de recuperandis eisdem iuribus per modum brachii secularis seu temporalis iurisdictionis te specialiter intromittas, Castra et munitiones, necnon obsides ac alios carceri mancipandos facias fideliter custo- diri, et breviter illa dumtaxat per te ac tuos pru-

denter exerceas, que iurisdictionem sapiunt tem- poralem, iuxta tradita per alias nostras litteras vobis formam. Ne autem partes eedem habere duo capita videantur, et ne iurisdictiones nostre possent im- plicari quomodolibet per concursum, vel ex emula- tione aliqua, quam maligni seminare satagerent, inter vos aliqua, quod absit, dissensionis possit exoriri scintilla, tu, predicte Episcope, predicto ple- narie fungens ofiicio ad huiusmodi reformationem concordiarum ferventer intendas, pro recuperatione iurium eorumdem censuram ecclesiasticam exer- cendo, presis Rectori quasi principalis et precipuus, ut convenit, ordinator in cunctis, idemque Rector tibi subsit, et te patrem et diium habeat, sicut decet, nec aliquid, quod pondus habeat, contra tuam prohibitionem vel mandatum presumat agere vel audeat attemptare, et possis, cum tibi placuerit, casus ahquos contingentes temporalem iurisdictio- nem sibi commissam ex causa rationabili ipsi sub- trahere et tibi reservare, in ipsis per te iurisdi- ctionem huiusmodi non per atium exercendo, et in illis casibus, in quibus verisimiUter crederetur ex ipsius Rectoris processibus eidem ecclesie vel provincie dispendium provenire, iurisdictionem eius compescere, et processus huiusmodi refrenare. Tu vero ipsius Rectoris processus et consilia non con- tempnas, sed honorem debitum sibi serves, ac eius- dem iurisdictionem non impedias vel perturbes, exceptis casibus supradictis. Tu quidem Rector ei- dem studeas subesse Legato, et ipsum patrem et dfium habeas, sicut decet, premissa diligenter ob- servans. Omnes quoque fructus, proventus et obven- tiones Civitatum ipsarumque districtuum, Castro- rum, terrarum et aliorum quorumcumque locorum partium predictarum ad manus certe persone per nos ad hoc deputande perveniant, per eam conser- vandi fideliter, et nobis ad mandatum nostrum in posterum resignandi: que quidem persona reddet nobis plenam et apertam de hiis omnibus rationem, in solventes vel non solventes fructus, redditus et proventus eosdem cohercionem aliquam nullatenus habitura. Sed qui ad hec solvenda vel reddenda compellendi fuerint, per te, predicte Episcope* censura ecclesiastica, et per te, dicte Rector, se- culari brachio, sicut expedit, compellantur. Ceterum cum sitis tanta sanguinis et specialis sinceritatis idemptitate coniuncti, hoc ex vestris processibus expectatur, quod tu, prefate Episcope, quasi pater sic tua scias uti superioritate ad filium, sicque tu, predicte Rector, quasi subiectionis et obedientie filius indicia pretendas ad patrem, quod nichil ex vestris vel vestrum alterutrius processibus repre- hensibile, deo vobis previo, subsequatur, sicque vos invicem in predictis et aliis vobis commissis de- bito preveniatis honore, quod nec ex tua superio- ritate, frater Episcope, nec ex tua iurisdictione, prefate Rector, aliquod intentioni nostre obvium

NICOLAUS PP. III. ANNO CHRISTI 1278. 221

inter vos, quod absit, emergat; sed si quod dubium forsan occurrerit super boc, nos requirere studeatis, ut voluntas nostra vobis super hiis celerius inno- tescat, ne inter vos aliqua scintilla indecentie va- leat exoriri. Datum Viterbii vn. Kal. Octobris, Pon- tificatus nostri anno primo.

CCCLXXVIH.

Eidem Romandiolae rectori, ut cardinale legato quadam infirmitate detento, pacis negotium prosequendum curet. Reg. An. I. de Curia ep. 87. Tom. I.fol. 88.

Nicolaus episcopus etc. Dilecto filio Nobili viro Bertoldo de Filiis Ursi, civi Romano, totius provincie Romaniole, Civitatis Bononiensis, Comi- tatus Brittenorii et pertinentiarum eorundeni Re- ctori, salutem etc. Cum te ad provincie Romaniole, Civitatis Bononiensis, Comitatus Brittenorii et per- tinentiarum eorundem partes, commisso tibi Recto- rie officio in temporalibus, destinemus, et venerabilis frater noster L. Ostiensis et Velletrensis Episcopus, apostolice sedis Legatus, cui reformationem con- cordiarum partium earundem inter alia specialiter duximus committendam, quadam diebus istis sui corporis debilitate detentus, iter suum ad partes easdem per, dies aliquos retardare cogatur: nos reformationem huiusmodi plenis desideriis affectan- tes, ac nolentes, quod bonum tante concordie quo- modolibet differatur, devotioni tue, de qua plene confidimus, per apostolica scripta mandantes, qua- tenus, infirmus dum idem legatus adveniet, ad re- formationem ipsam, et ea, que pacis sint, ferventer intendens, eas sollicitis studiis prosequaris, refor- mationem eandem, et quod circa profectionem pacis eiusdem contigerit, roborando, sicut expediet, cau- tionibus et securitatibus oportunis, ita quod tute procedant, illibata permaneant, nullam, dante do- mino, scisuram ulterius perceptura. Datum ut supra.