CCCVI.

Nuntio sedis apostolicae, ut Senenses a molestando castro Radicofani arceat. Reg. An. III. de Curia ep. 133. Tom. III. fol. 113.

Urbanus episcopus etc. Dilecto filio fratri Ru- fino ordinis Minorum, Capellano et Penitentiario nostro, salutem etc. Quia, sicut intelleximus,...Po- testas, ... Prior Vigintiquatuor, et ipsi Vigintiqua- tuor, Consifium et Commune Senenses apud Cam- piliam in exercitu commorantes, hominibus Castri nostri de Radicofano, quod est sedis apostolice Camera specialis, de facto mandare ac iniungere presumpserunt, ut infra certum terminum quedam, que requirebant ab eis, adimplere curarent, com- minantes eisdem hominibus, quod si hec non fa- cerent, ipsi hostiliter procederent contra eos: nos magnam in hoc factam nobis et Romane ecclesie reputantes iniuriam, idque non modicum ad ani- mum revocantes mandamus, quatenus predictos... Potestatem, Priorem, Vigintiquatuor, Consilium et Commune, ad quos te pro predictorum hominum negotio specialiter mittimus, ex parte nostra moneas diligentius et inducas, ut infra octo dies post mo- nitionem tuam nobis et Romane ecclesie de hu- iusmodi iniuria emendam plenarie satisfactionis im- pendant, ipsis aperte predicens, quod si monitioni tue non paruerint in hac parte, nos contra eos dire ac aspere spiritualiter et temporaliter, prout expedire viderimus, auctore domino, procedemus. Volumus autem, ut de monitione huiusmodi con- fici facias pubficum instrumentum, illud nobis fi- deliter delaturus. Datum apud Urbemveterem n. Nonas Iunii, Pontificatus nostri anno tertio.