DCLII.

Senatori reliquisque vicariis et officialibus Urbis, ut cre- ditores Egidii Saulii eiusque societatis mercatorum ad con- cedendum eis aliquod temporis spatium pro solvendo inducant. Beg. An. IV. Com. ep. 1514. pag. 581.

Iohannes episcopus etc. Venerabili fratri ... Episcopo Nepesino, Vicario nostro in Urbe, et dilectis filiis Nobili viro Senatori eiusque Vicario, aliisque Officialibus in spiritualibus et temporalibus dicte Urbis, salutem etc. Dilectus filius Egidius Saulii civis et mercator Romanus apud sedem apostolicam constitutus pro se, et Marcellucio Sauliii et Angelo Margariti fratribus, sociis et concivi- bus suis, lacrimabihter exposuit coram nobis, quod dudum cum in Civitate Carpentoractensi Romana curia residebat, quidam iniquitatis filii eos, qui tunc dictam curiam sequebantur et apud Civitatem morabantur eandem, pannis, pecuniis et aliis re- bus ac bonis eorum in apothecis eorum inventis nequiter spoharunt, quodque idem Egidius nomine suo et dictorum concivium contra eos, qui huius- modi spoliationem perpetrasse dicuntur, movit in Romana curia questionem. Quare idem Egidius pro se et dictis concivibus suis nobis humiliter

supphcavit, ut cum ipse et concives predicti pro- pter spoliationem huiusmodi premantur incomodis paupertatis, et non solum ipsis facultas deficiat sa- tisfaciendi creditoribus suis ad presens de debitis, in quibus ipsis tenentur, sed vix habeant, unde valeant sustentari, providere ipsis de aliquali tem- poris prorogatione, infra quod de predictis bonis sublatis ahquid recuperare valeant, vel alias ad pinguiorem pervenire fortunam, et tunc satisfacere creditoribus memoratis, misericorditer dignaremur. Nos igitur huiusmodi supplicationibus inclinati, di- scretionem vestram rogemus, monemus et hortamur attente, quatenus pro divina reverentia ac nostra eisdem creditoribus, si qui contra dictos cives spo- hatos communiter vel divisim pecuniarias intem- ptare voluerint actiones curiahter, expositis neces- sitatibus civium predictorum, suadeatis et inducatis eosdem, ut a prosecutione actionum huiusmodi debeant abstinere usque ad tempus aliquod, de quo cum eisdem creditoribus mehus poteritis con- venire, presertim cum humanitatis ratio exigat in huiusmodi necessitatis articulo spoliatis eisdem circa premissa ahquod beneficium temporis indulgeri. Datum Avinione xn. Kalendas Maii, Pontificatus nostri anno quarto.