DCCLXV.

Marchionibus Estensibus, ut rupturam in ripa Padi apud castrum Argentae claudant, et quasdam possessiones re- stituant Eeg. An. XVI. Secret. ep. 1585. fol. 339.

Iohannes episcopus etc. Dilectis filiis Raynal- do et Opizoni Marchionibus Estensibus, salut. etc. Licet pridem vobis scripserimus, quod quandam rupturam factam manualiter, ut asseritur, in flu- mine Padi, ex qua irreparabile dampnum Castro Argente posset, quod absit, subsequi, reparari, si- cut etiam promiseratis Venerabili fratri nostro Ber- trando Episcopo Ostiensi, in illis partibus aposto- lice sedis Legato, ante assignationem per vos sibi de dicto Castro factam celeriter faceretis: vos ta- men exhortationibus nostris, nescimus quo ducti consilio, penitus obauditis, reparationem huiusmodi facere, necnon quasdam possessiones et terras ad nos et Romanam ac Ravennatem ecclesias per- tinentes restituere, prout etiam ex tenore ordina

598 IOANNES PP. XXII. ANNO CHRISTI 1332.

tionis nostre eratis astricti, absque causa legitima recusatis, de quo non sufficimus admirari. Nobili- tatem itaque vestram iterato rogamus et hortamur attente, sano vobis consilio nichilominus suaden- tes, quatinus periculis, que ex ruptura eadem dicto Castro et locis circumvicinis timentur verisimiliter provenire, celeriter providentes claudi facere, di- ctasque possessiones et terras prefato Legato nostro et ecclesiarum predictarum nomine restituere absque difficultatis obstaculo, procuretis. Datum Avinione v. Kal. Iunii, Pont. nostri anno decimo sexto.