DXXX.

Hominibus castri Bictonii quidam proventus sub annuo censu centum librarum Cortonensium conceduntur. Reg. An. V. ep. 324. fol. 207.

Bonifacius episcopus etc. Dilectis filiis homi- nibus Castri Bictonii fideUbus nostris Asisinatis

diocesis, salutem etc. Cognita devotionis vestre constantia, quam ad Romanam habuistis hactenus et habetis ecclesiam, et vos habituros speramus iu posterum, merito nos inducit, ut petitionibus vestris, quantum digne possumus, favorabiliter annuamus. Exhibita siquidem nobis vestra petitio continebat, quod cum predicta ecclesia in terra vestra certos redditus et proventus in tertia parte bannorum et salariorum bance, ut patrie verbis utamur, ac fo- catico, passagio, et certis, que in Nativitatis et Re-

surrectionis dominice festis Rectori Ducatus

Spoletani, qui est pro tempore, debentur, servitiifl consistentes percipiat annuatim, et occasione red- dituum et proventuum predictorum inter vos et Rectorem predictum plerumque contingat contro- versiam vel discordiam suscitari, nobis humihter supplicastis, ut ad tollendam inter vos et ipsum super hoc cuiuscumque dissensionis materiam, red- ditus et proventus eosdem sub annuo censu vobis concedere, vel alias super hoc oportunum adhibere remedium dignaremur. Nos itaque ad devotionem vestram huiusmodi benignitatis oculum dirigentes, ac volentes vestro et terre vestre pacifico et quieto statui benignius providere, vestris supplicationibus inclinati, predictos redditus et proventus anno quo- libet per centum libras Cortonenses, in festo beate Virginis Lucie a vobis nostre Camere persolven- das, tenore presentium gratiose concedimus atque remictimus usque ad apostolice sedis beneplacitum voluntatis: si vero in solutione huiusmodi semel vos cessare contigerit, huiusmodi facta vobis gratia nullius penitus sit momenti. Per hoc autem ne- quaquam intendimus vos a iurisdictione Rectoris eximere supradicti, quinimmo volumus, quod in omnibus aliis pareatis devote ac intendatis humiliter sicut prius. Nulli ergo etc. nostre concessionis, remissionis et voluntatis etc. Datum Anagnie in. Nonas Iunii, Pontificatus anno quinto.