Honorius episcopus servus servorum Dei, dilectis filiis .. abbati cisterciensi et universis coabbatibus ejus et fratribus sub eodem ordine Deo servientibus salutem et apostolicam benedictionem. Cum ordinis vestri generosa plantatio multiplice religionis et honestatis fructus florere pertulerit effuso longe lateque laudabilis couversationis odore apostolice sedis auctoritas considerans per Marthe sollicitudinem providendum esse Marie quieti, ut orantis Marie suffragiis, satagentis Marthe sollicitudo ministerii juvaretur, ne alicujus temeritatis incursus sancte conversationis ocium perturbaret, ordinem ipsum et privilegiis et non nullis indulgentiis specialis gratie prerogativa munivit. Nos autem qui salutifera commoda vestra benigno favore prosequimur tranquillitati vestre libenter prout possumus providemus, auc- toritate presentium inhibentes, ne legati sedis apostolice sine speciali mandato nostro in vos excommunicationis vel suspensionis et in monasteria vestra interdicti sententias contra ea que vobis sunt ab apostolica sede concessa promulgent. Nulli ergo omnino hominum liceat hanc paginam nostre inhibitionis infringere vel ei ausu temerario contraire. Si quis autem hoc attemptare presumpserit indignationem omnipotentis Dei et beatorum Petri et Pauli apostolorum ejus se noverit incursurum. Datum Laterani, VIII Idus Januarii, pontifi- catus nostri anno tercio.

291