Je Margherite, contesse de Flandres et de Haynau et je Guis ses fius, cuens de Flandres et marchis de Namur faisons a savoir a tous ke comme uns contens fust entre nos boens amis en nostre seigneur Iabei et le convent del eglise des Dunes dune pard et le eschevins et les watergraves et la communitei dou terreoir de Furnes dautre part dendroit, la garde dou fres wis del escluse ki est a Noefport dont chascune des parties disoit ke ele avoit droit en cel garde. Nous pour ce content abatre feimcs enquerre par freres Hellin de Commines, prieus des freres precheurs des Berges et par Phelipon de Poule, nostre chevalier, de ceste chose et quant il nos orent raportee lenqueste quil en avoient faite , et nous leumes bien oye et entendue en la prrsence des parties devant dites ki, mout dili- gement nos requeroient ke nous deissens nostre dit, selonc ce ke nous oriens entendu par cele enqueste pour le commun proufit de la terre de Furnes et pour le pais et lutilitei de tout le pais, nous en ordinames et deiines nostre dit en teil manicre ke li abes del eglise des dunes, u cil qui sera en son liu, i doit metre un preudomme soufilsant en bone foi, ki gardira le cleif dou fres wis del escluse devant dite et quant il li metera cil cui il i metera fera sairement seur sains, en la presense des watergraves, ke il et le cleif et luis devant dis gardera au mieus et au plus loiaument quil porra au preu de la terre de Furnes et a la pais dou pais. Et ke il les proufis ke on recevera au devant dit wis des neis ki i passeront gardera et sauvera loiaument pour metre ou proufit de la terre et en rendera loial conte as watergraves devant dis. Et ke il cel wis ouverra et reclorra au proufit de la terre de Furnes aparelliement toutcs les fois ke mestiers sera et ausi quant li watergraves devant dit len requerront. Et est a savo:r ke se li abes, u cil ki en son liu sera i met home ki ne soit mie souffi3ans et li watergraves li monstrent et voullent dire seur lor loiauter kil n'est mie souffisans, li abes doit celui osteir et metre un autre

358

en son liu preudoume et souffisant ki doit faire sairement devant les watergraves ke iI fera ce ke deseure est devisei. En tesmoignage de la quel chose nous avons fait metre nos saieaus a ces presentes lettres, ki furent donnees en lan del Incarnation nostre Segneur Jhesu Crist, mil CG soissante et noef, ou mois de Avril.