Jehans Lauwars, chevaliers, juges en le ville de Bruges, fai savoir atouz ke par devant raoy est venus frères Jehans de le Bourse, fieus Nicolon de le Bourse, moines en labeye de le Doest, en son boin sens et en boine mémoire et a donnet pour Dieu et en aumois- ne a leglise de le dite abeye de se boine volente, sans destrainte nule, par lassent le conseil, lotroy et le gre de Jakeme dou Moelekin et de Thomas de le Bourse, ses avoes, de Symon dArtrike, de sa mère de ses oncles et pluiseurs de ses autres prochains amis et parens ki a che faire furent par devant moy présent. Cest a savoir, cent vint et seept livres et dys saus parisis, ki li eskeirent de le fourmorture son père, lesquels devant dis deniers li ville de Bruges tient par deniers li en un lieu con dist Belefroit, par manière que li abbes et li covens de le dite eglyse doivent avoir atouz jours mais cascun an sour le jour saint Johan ewangeliste el mois de may une pitance soffissant de soissante saus parisis. Et bien reconnurent li dit avoet, li amy et li parent devant dit ke le devant dit don, que li dis frères Jehans avoit donne aie dite eglyze en aumoisne, estoit bien lor grès, lor consens et lor volentes et que le dit don li dis frères Jehans avoit bien et sofissaument fait, si comme il appartenoit a faire. Entiesmoingnage de toutes ces choses devant dites ai jou juges devant dis en reconnissance ces lettres pendans seelees de mon seel, ki furent faites et données a Bruges enlan de grâce mil trois cens et un, el mois davril, le mardi devant le jour de Paskes.

679