van Arlrike hun geleend hadt.

Wie Burghemeesters, trcsoriers, schepenen, raed ende al die ghemeente van der stede van Brugghe maken cont allen lieden, dat wie hebben ontfanghen van religieusen lieden

680

den prior ende den couvente van der Does, alse van haerre kerken halven, neghen hon- dert zeven ende dartech pond ghereeds paiements, die hem, ende haerre kerken der Symoen van Artrike yleent hadde ende daer of hie hare lettren hebbende ende houdende es. Twelke ghelt altegader alse viande ende verbuerd goed wie an ons treckeden, ende bedre- vense daer toe dat siet ons gholden, vanden welken neghen hondert zeven ende dartech ponden, wie ons wel ghepaiet houden, ende hebben belovet ende beloven ende binden ous daer of te quitene, scadeloes te houdene, te waranderne ende onghecalengiert, ende onghemoiet die goede lieden vorseit, ende hare .. abdie ende al hare goed jeghen den here Symoene van Artrike vorseit alle die sine iof die hare lettren bringhende waren , ende jeghen elken mcnsche wereltleec iof ghesteleec, van so wat state dat hie ware, tallen wetten ende tallen rechten daer mense omme die peneghe vorseit, trecken, calengieren, nopeu, iofte porren mochte in so wat manieren dat het ware. In orcondschepen van desen lettren ghezeghelt met onsen ghemenen zeghele huuthanghende, die waren ghemaect ende ghegheven svridaghes van sinte fiarnabas daghe, int jaer ons Heren duzentech drie hondert eude drie.