Florentius de Hollandia, frater Domini Willelmi Romanorum regis, fideli suo domino Hcnrico de Worne salutem et dilectionem. Accedentes ad me viri religiosi quidam monachi de Thosa mihi monstrarunt quedam privilegia quorum tenor is est: Ego Henricus, Zelandie castel- lanus et dominus de Worne et Hugo frater meus, ac Hugo de Nalduis et Bartholomeus frater ejus, nepotes mei et liberi eorum, notum facimus omnibus tam presentibus quam futuris, quod communi consilio et libera voluntate dedimus abbati et ecclesie de Thosan totam terram de Osthoec cum omnibus pcrtinentibus suis infra dikum et extra, ubique cum omni dominio, officio et decimatione et cum omni libertate et jure quod in ipsa et ex ipsa terra possidebamus, vel aliquo modo possessuri eramus a Vlakebruggc, usque in Suthmare et ab hinc in Polsum et ab illinc in Thanquines dilve et ab illinc usque in Vethouc et ab illinc usque in Cruswarth et ab illinc usque Vtane Werve, et ab illinc usque in ifene- mara et a Menemara ubi fuerit in Vlakebrugge, perpetua libertate possidendam. Dedimus etiam eidem ecclesia, communi assensu et libera voluntate, liberam et perpetuam potestatem effodiendi salinam, vendendi, commutandi et tranferendi ad quoscunque usus voluerint totam pretaxatam terram cum omnibus pertinentiis infra dictos terminos contentis cum omni donriuio, officio et decimatione et cum omni jure quod in eadem terra habebamus, vel alioquin habituri era- mus. Illud etiam notandum quod si ecclesia predicta totam terram de Osthoec infra dictos terminos contentam, vel partem ipsius effodi fecerit ad salinam, fundus totus remanebit in proprietate et possessione ejusdem ecclesie predicta libertate et jure perpetuo possidenda. Verum pro collata a nobis libertate et potestate omnium istorum, monachi et fratres dicte ecclesie nobis ducentas marcas, HoIIaudie monete, contulerunt. Quod siquis nostrum, vel successorum nostrorum aliquid

S41

predictorum infregerit, vel homincs suos, sive alios quoscunque homines de quibus justiciam facere poterit, infringere permiserit, vel aliquod gravamen, sive damnum super hiis omnibus eidem ecclesie intulerit, vel inferri permiserit totum ei resarciri faciet, vel ipse tenebitur resarcire. Ut igitur omnia ista perpetuo firmiter observentur et ecclesia sepedicta perpetua pacis et quietis tranquillitate letetur, fide nostra cum juramento interposita, presentem cartam scribi fecimus et sigillorum nostrorum appensione muniri. Actum anno Domini M° CC° vice- simo nono, mense Novembri, Cum igitur conlra hec scripta vestra venire attemptaveritis et adhuc attemptatis, vobis mando finaliter volens quatinus ea inviolabiliter observetis.