Universis presentes litteras inspecturis Willelmus permissione divina abbas sancti Rertini, ordinis sancti Renedicti, morinensis diocesis, salutem cum noticia veritatis. Noverint universi quod nos anno Domini millesimo trecentesimo quinquagesimo septimo", XIX die mensis Novembris, illustrissime domine, domine Johanne quondam Flandrie et Hannonie comitisse litteras vidimus et inspeximus, sanas et integras, non rasas, non abolitas, nec in aliqua sui parte viciatas, sed sigillo dicte domine sigillatas, formam que sequitur continentes. Johanna

198

Flandrie et Hannonie comitissa, universis presentes litteras inspecturis, salutem in Domino. Noverint universi quod nos ex plenaria potestate, ab illustri Domino et marito nostro Th. Flandrie et Hannonie comite, nobis concessa ordinandi et faciendi in tota terra nostra pro voluntate nostra, dum profectus esset in Sabaudiam, pro remedio anime nostre et ipsius comitis, domini et mariti nostri, ac predecessorum nostrorum, concessimus ordini cysterciensi potestatem emendi et recipiendi allecia libere et quocumque tempore, non obstante aliqua lege vel consuetudine seculari. Unde mandamus et precipimus vobis ballivis et scabinis nostris portuum maris, quatenus nullam omnino molestiam aut gravamen inferatis vel inferri permittatis personis dicti ordinis vel uni eorum, nec eis cum quibus alleciorum mercimonia contexerint, prout superius est expressum. Actum et datum anno Domini millesimo ducen- tesimo quadragesimo tertio, mense Augusto. In cujus rei testimonium presentibus litteris sigillum nostrum duximus apponendum anno et die quibus supra.