Jacobus Fulsekire.

Ego magister Jacobus, dictus Futselare, canonicus sancti Donatiatii in Brugis, notum facio tam presentibus quam futuris, quod pure et libere et simpliciter inter vivos donavi jure proprio ecclesie de Dunis, summam Huguchionis super librum decretorum , scriptam de littera bononiensi gracili, satis antiqua, in cartis edinis, cujus quidem libri possessionem corporalem coram cellerario et aliis duobus monachis suis, domino Noskin, canonico sancti Donatiani in Brugis, testibus ad hoc vocatis, transtuli et tradidi, domino abbati de Dunis, ad habendum, tenendum et possidenduin nomine ejusdem ecclesie sue, promittens ego magister J. bona fide dicfo.. abbati de Dunis, nominc ecclesie, hanc donationem liberaliter a me in eum collatam, ratam et firmam perpetuo habere, nec eam aliqua causa, aliquo

565

modo, vel ingenio revocare. Post hec vero supplicavi dicto .. abbati quatinus predictum librum michi commodaret ad usum legendi quamdiu viverem tenendum, quod quidem benigne michi de consensu conventus sui concessit, unde ego -per has litteras meas manifesto me eundem librum noraine ecclesie de Dunis solummodo et non meo possidere. Que ecclesia post vitam meam liberam habeat facultatem repetendi et vendicandi eum a quocunque possidente, non tamen me vel aliqua bona mea obligavi vel obligo erga ipsam ecclesiam de periculo vel aliquo casu fortuito super amissione ejusdem libri, quamdiu eum possideam. Ad memoriam igitur predictorum has litteras scribi feci et sigillo meo consignavi, tradens eas domino abbati nomine ecclesie sue conservandas. Actum anno Domini M° CC°XL° octavo, mense Martio, feria tercia ante festum beati Gregorii.