Allen den ghonen die deze presente letteren zullen zien ofte horen lezen, wy broeder Jan, abt vander kerke ende abdye vanden Dunen , mctgaders den ghemeenen convente vander kerken ende abdye voorseid, saluut in onzen Heere. Doen te wetene dat wy in tiden ver- leden beseffende, wel wetende ende overmerckende den aerraen staet van onzer voorseiden kerken ende abdie, de groote grievelike scade ons toe commen byder onlede van der lester oorloghe, biider welker onzer voornomder kerken ende abdie, goedinghe, huuthoven, muelene ende pachtgoede, binnen den lande van Yierambachte ende daer ontrent ghedestrueert ende verbrant waren, hadden ooc boven dien groote zware ende onghetalike costen binnen den hove van Rome ende in andre vele gheestelike ende werlike plecken ter cause van onser electien ende confinnatien onzer digniteit, zo den meneghen diverschen gheestlike ende wer- like personen wel kenlic ende openbaer es, biiden welken voornoomden scaden, verliezen ende intereslen, wy grootelic veraermt waren ende noch ziin, ghemarct den aermen tiit, scamelen staet ehde groote aermoede van onze pachters, van welken voorseide interesten, schaden ende verliezen wy niet gherepareert, voorzien eiide onderhouden en consten de goe- dinghen onzer voornooinde kerken ende abdye toebehorende, ten hadde gheziin bi vercoo-

pene van erve rente ende lyfrente om welcke zaken wy vercochten den edelen ende

mueghenden heere miinen heere van Auxi, ruddere, hondert ponden grooten vlaemschen

munten liifrenten ende los te tsiaers ontfanghende alleenlic voor elcken penninc tien

penninghe, de welke somme van c f£ groten wy al nu tien jaer lang ofte daer ontrent betaelt hebben, welke betalinghe ons ende on/.e voornoomde kerken ende abdie zeer zwaer ende onverdraeghelic gheweest heeft, ende hebben moeten jaerlicx vercoopen andre renten orame de voorseide somme van c t£ groten jaerlicx den voorseiden heere vau Auxi te betalene. Ende waert dat wy langhere de voorseide somme van c (£ groten betalen moesten, grootelic te duchtene ware dat onze voorseide kerke ende abdie grievelike scade daer up hebben zoude ende endelike te nyeute gaen, omme welken grieve ende alle andre inconvenienten te schuwene ende omme den openbaren oirbaer ende meesten profiite van ons ende onzen voornoomden kerken ende abdye, ende specialic om ons ende onze voorseide kerke ende abdie gheheelic ende al te ontlastene ende te quitene jaerliicx vanden voorseide c f£ groten, munte voorseid, hebben by overeendraghene van ons allen by goeden riipen rade ghemeene accoerde ende deliberatien, vercocht ende vercoopen wel ende redelic den eerbaren onzen zeer gheminden vrient Anselmus Adorne, portere van

797

Brugghe, de somme van vive ponden grooten vlaemschen munten tsiaers eeweliker ende erve- liker renten te betalene ten tween paymenten in elc jaer, dan of teerste payment, draghende twee pondt tien schellinghe groote, munten voorseid, vallen ende verschynen zal up Zinte Jans dach midts zomere, int jaer veertien hondert achte ende tsestich eerstcommende, ende dander payment insghelicx draghende twee pondt tien schellinghe groote gheliicker munte, up den heiligen Kerstdach int zelve jaer daer naer volghende, emmer zes weken naer elken dach van payraente ombegrepen omme de betalinghe te mueghen doene, voor scade, ende de staende penninghe altiit te leverne telken daghe vau paymente in onze herberghe van den Dunen staende binneu der stede van Brugghe, ende alzoo voort van jare te jare, van termine te termine, telken sinte Jans daghe midts zomere ende telken heleghen Kerstdaghe achtervolghende ij |g x s. gr. gheldende eewelic ende ervelic durende met zulkeu ghelde als telken daghe van payuiente ghemeenlic cours ende ganc hebben zal binnen der voorseide stede, welken voorseide coop es ghedaen omme de somme van tachtentich ponden groote, daer of wy ons kennen vanden voorseiden Anselmus Adoorne wel vernoucht ende vul betaelt, scelden daer of quite den voornoomden Anselmus hem ende allen dies quitscellinghe behouven metten rechte. Dewelke voorseide v fft groten tsiaers eeweliker ende erveliker renten, wy willen ende begheren dat de voorseide Anselmus Adoorne of cause van zinen weghe hebbende of bringher van dezen chartre of vidimus van dien, onder zeghele autentiic, quitantie bringhende, de voorseide ervelike rente zal moghen innen ende ontfaen telken daghe van paymente voorscreven, ende ghevielt dat de zes weken naer eenighcn dach van paymente overleden in eenich jaer ende de ghevallen ervelike rente onvergolde ware, zo zoude de voorseide Anselmus Adorne of cause van ziinen weghe, hebbende ofte bringhen van dezen jeghenwoordighen chartre of vidimus, als boven mueghen verteren of doen verteren tonzer coste ende laste, waer dat hem ghelieven zoude, twee groote sdaechs up elc ghevallen pondt groote, veertien daghe lang durende of emmer totter tiit dat de betalinghe binnen denzelvcn veertien daghen vander ghevallene rente metter voorledene theere ghedaen zoude wezen. Ghevielt ooc dat de voor- seide veertien daghe huute gheteert worden ende de ghevallene ervelike rente metten voor- seiden theere onverzolden ware, zo consenteren, begheren ende willen dat de voorseide Anselmus, ziin hoir ende naercommers of bringher van dezen chartre of vidimus, daer of onder zeghele auctentiic alzo boven gheseit es, de voorseide ervelike ghevallene rente met- ter voorseide theere ende alle andre costen daer omme ghedaen, ende anclevende, daer of hem gheloeve ghevende zonder heedt of preuve te doene, zal mueghen innen up alle onze renten ende goedinghen of up eenich goedt by spetiaele gheleghen binnen den Iande van Vlaenderen , onzen voorseiden kerken ende cloestere toebehorende, onder wat heeren of jugen gheestelic of werlic dat men se bevinden can, consenteren willen ende begheren, tidden ende versouken met nerenste, ende gheven macht allen offlciers ende bailiuus wethouderen van wat state ende jurisdictien dat zi ziin, gheestelic of werlic, ende elckeu bi zonderlinghe dies versocht zal werden dat zi den voorseiden Anselmus Adoorne ziin hoir ende nacom- mers ofte bringher van dezen chartre of vidimus, daer of als boven innighen doen ghescien met heerliker executien metten viifsten penninghe vander ghevallene ervelike rente tonslieder coste onghemindert der principaler ghevallene erveliker rente ende theere by arestemente ende vercoopinghe van ons lieder goede of goedinghe ligghende ende roerende, waer mense bin

798

nen den voorseidc lande van Vlaendren bevinnen can toter vulle betalinghe vander voor- seide ghevallene ervelike rente, mitsgaders der theere ende andre costen daer omrae ghedaen ende anclevende, metter curster cxpeditien ende ghereescepen die men daer toe doen ende vinden mach duechdelic ende ghetrouwelic zonder delaj in eenigher manieren, ende wy bcloven alle de voorscrevene poynten ende voorwaerden ende elc poynt zonderlinghe by onzer trauwen ende waerheden wel ende ghetrouwelic te houdene ende te vulcommene, zonder daer tjeghen yet te doene ofte doen doene by ons of by andren in onzen name in ccnigher manieren. Ende daer toe zo obligeren wy bezetten ende verbinden ons ende onzen naercommers, al onze renten ende goedinghen ende elc goet up speciale ligghende ende roerende binnen den voorseide Iande van Vlaendren, die wy nu hebben of namaels hebben zullcn. Waer ooc alzo dat by avontueren dese letteren in toecommende tiiden worden ver- loren, verbrant, ghedestrueert, ghesceurt of ghecassert, ende de voorseide Anselmus of cause van zinen weghe hebbende oorconde by heede dat alzo ware, zo werden wy ghehouden cene nieuwe lettere van ghelyken inhoudene hem te ghevene up zinen cost onder onze zeghelen binnen eenre niaendt naer dat wij versocht zullen wezen. Ende om alle deze din- ghen ende voorwaerden van poynte te poynte wel te houdene ende te vulcommene, inder maniercn boven verclaerst, wy abt ende al tghemeen couvent vanden kerken ende cloestere vanden Dunen voorseid, hcbben gherenunchieert ende ziin afghegaen, renunchieren ende gaen af als te dezen by ouzen heede ende trauwen alle exceptien van steden, tiiden of frauden, ende voort van allen privilegicn, vryheden, gratien ende indulgentien, remissien, letteren van paeuzen, prelaten, keyzeren, coninghen, princhen ofte andre heeren gheiupe- treert of te impetreernc gheestelic ende werlic, ende generalic van allen excepticn van rechtc ende faite daer mede wy ons zouden mucghen ghehelpen ofte gaen jeghen tinhouden van dczen jeghewoordighen chartre ende die de voorseide Anselmus ziin hoir ende naer-

commers of bringhere van dczen, of vidimus als boven te de of achterdeele commen

mochte in eenigher wiis, ende zonderlinghe den rechte zegghende dat generale renunchiatie

van ghein werde nict en ziin, behouden dien ende wel verstaende dat besprec ende

voorwaerde cs tusschen ons ende den voorseiden coopere dat wy .... onze nacommers, inde name vanden voorseiden kerken, zullen mueghen de voorseide renten quiten ende aflossen, tallen tiiden alst ons endc onzen nacommers ghelieven zal, midts betalende ende over leg- ghende den voorseiden Anselmus Adoorne of cause van zinen weghe, hebbende alle de ghe- vallene paymenten vander zelver erveliker rente, die wy ofte onze nacommers dan tachtere wczen zouden, ende ooc tverloop vanden tiide toten daghe vandcr zelver aflossinghe, ende boven dicn overlegghen over den principalen afcoop ende lossinghe vander zelver rente over elc pondt groote ervelic zestien ponden grooten, eens wechdraghende, in zulcken ghelde als bovcu ghenoopt es. In oorcondscepen ende kennessen van welken dinghen wy abt ende al tghemeen convent voornoomdt, wiliende ende begherende dat alle de voorscrevene poynten ende elc zonderlinghe bliven zullen vast, goed ende ghestade van werden ende wel ghe- houden nu ende teeweliken daghen, hcbben dezen teghewoordighen chartie ghezeghelt metten zeghelen van ons endc onzen convente voornoomt. Ghemaect ende ghegheven den vieren- twintichsten dach vau Decembre, int jaer ons Heren als men screef duust vjerhondert zevene ende tsestich.

790