Innocentius, episcopus, servus servorum Dei, venerabilibus fratribus archiepiscopis, epis- copis, et dilectis filiis abbatibus, prioribus, decanis, archidiaconis et aliis ecclesiarum prelatis ad quos littere iste pervenerint, salutem' et apostolicam benedictionem. Non absque dolore cordis et plurima turbatione didicimus quod ita in plerisque partibus ecclesiastica censura dissolvitur et canonice sententie severitas enervatur, ut viri rcligiosi et hii maxime qui per sedem apostolicam et privilegia majori donati sunt libertate, passira a malefactoribus suis injurias sustineant et rapinas, dum vix invenitur qui congruenti illis protectione subveniat et pro fovenda pauperum innocentia se murum defensionis opponat. Specialiter autem dilecti filii nostri, fratres de Dunis, tam de frequentibus injuriis quam de ipso cotidiano defectu justitie conquerentes, universitatem vestram litteris petierunt apostolicis excitari, ut ita videlicet eis in tribulationibus suis contra malefactores eorum prompta debeatis magnanimitate consurgere quod ab angustiis quas sustinent et pressuris vestro possint presidio respirare. Ideoque universitati vestre per apostolica scripta mandamus, et in virtute obedientie districte precipimus, quatinus illos qui in aliquem de fratribus ipsis raanus violeutas injecerint, vcl res seu domos eorum aut hominum suorum, irreverenter invaserint aut ea que predictis fratribus ex testamento decedentium relinquuntur, contra justitiam retinuerint, vel decimas laborum seu nutrimentorum suorum, spretis privilegiis apostolice sedis, extorserint, aut res eorum a fugitivis ablatas illicite retinere presumpserint, si laici fuerint, eos et principales fautores eorum publice, candelis accensis, excommunicationis sententia precellatis, clericos autem canonicos sive monachos, appellatione remota, ab officio et beneficio suspendatis, neutram relaxaturi sententiam donec predictis fratribus plenarie 'satisfaciant. Et hii precipue qui pro violenta manuum injectione vinculo fuerint anathematis innodati cum diocesani episcopi litteris ad sedem apostolicam venientes ab eodem vinculo mereantur absolvi. Villas aulem in quibus bona predictorum fratrum seu hominum suorum per violentiam detenta fuerint, aut ipsi predones permanserint, seu etiam fratres fugitivi, monachi vel conversi, contra voluntatem eorum extiterint, nisi habitores ipsarnm diligenter admoniti eos a se curaverint amovere, quamdiu ibi fuerint interdicti sententie appellatione postposita, supponatis. Datum Laterani, xvj kal. Junii, pontificatus nostri anno tertio.

17

m