Wy Bernaerd van Haelwin, Wouter Utenhove, Pauwels Lanesuene, Lodewyc Scholleboone ende Colaerd Laureyns, scepenen in Brugge in dien tiden, doen te wetene allen Iieden dat camen voor ons als voor scepenen, Jan de Bnuschere gheseyd Vlamyng, de mudsescheere, ende Crispine zyn wyf, ende gaven halm ende wettelike ghifte Ghiselbrechte van Wynds- berghe, scloosters ende couvents behouf van den Dunen, van eender plecke lands lig- ghende ten zuudhende ende oosthende van den lande toebehoorende den voorseiden Janne Vlamyng, bachten zine husen, die hy staene hadde te voorhoofde up Stuvenberch, de zelve plecke der hier vooren ghifte afghegheven es, nu bemaetst zynde metten oost ende zuud- hende, van den nieuwen paertstalle, twelke de heere van den Dune voorseid heift ghedaen maken, oost ende west vier voeten breed, ende zuud ende noord, zeven voeten breed. Behouden tzelve paertstal ten zuudzyde van voorseid Jan Vlamings lande waerd alzo varre als de zelve breede der hier vooren mentioen af ghemaect es, sciect ten eeuweghen daghen zyn vry ozidrop, zonder dat biden zelven Janne zinen wive ofte huerlieder naercommers, belet of benomen te moghen worden in eenegher wys, ende es de zelve plecke vryland zonder yet der ute ghaene. Ende Jan de Buschere ende Chrispine zyn wyf voorseid, die wedden aldaer ende beloveden, den voorseiden Ghiselbrechte svoorseid cloosters behouf, de voorseide plecke ligghende als vooren te wetten, te waerne ende te warandeirne jeghens elken meinsche. In kennessen van desen dinghen hebben wy scepenen voorseid dese letteren uuthanghende, besegheld met onzen zeghelen. Dit was ghedaen int jaer M. IIIJ" een ende tseventich , upden vyfsten dach van Maerte.

J. Zeke.

800

DCLXXXV — 24H.

Jan, abt van den Dunen, naemt, ten ;'are!482, Symoen de Sluutere, als schout van

Berghen upten Zoom.

Wy Jan, abdt vanden Dnnen, vander ordine van Cisteaux, in bisdom van Terreburch, maken condt ende kenlic allen den ghonen die dese zien of horen zullen, dat wy mids den overlidene van onsen beminden meester Jacob Baert, in ziinen levene ons schouthete van onsen goede ende heerlichede, ligghende binnen den lande van Berghen upten Zoom, hebbcn ghestelt ende bi desen stellen om ons schouthete te wesenen ende ons heerlichede, ende rechten aldaer te bewarene, onsen bemynden vriendt Symon de Sluutere, biddende ende versoekende allen heeren ende rechters ende oec justiciers ende zonderlinghe hooghen ende moghenden minen heere van Berghen vorseid, ende alle ziinen officiers hoe dat zy gheheeten moghen wezen, onsen ondersaten ende laten, bevelende dat zy den vorseiden Symoen de Sluutere paysivelic ende oorbuerlic laten ghebruuken ende useren de vorseide officie van scouthendoeme ende alzoo verre ende breet als wy ende onse vorseide kerke vanden Dunen der inne gherecht es, zonder hem tvorseid officie exercerende eenich belet ofte empesche- ment te doene of te laten doene, in eenigher manieren begherrende, ooc an onse scepenen dat zy den vorseiden Symoen ontfanghen voor onsen scouthete ende ooc huden alzoo daer toe behoordt nacr de rechten ende costumen vanden lande behouden elcx recht. Dese com- missie in haer cracht ende vertuut blivende tot onsen wederroupene ende niet langhere. Ghegheven onder onsen zeghele binnen der stede van Brugghe, den sesten in Ougstmaent anno twee ende tachtentich.

Per nos Johannem abbatem de Dunis.

Mi