noordzyde der Roye.

■\Vie Jan Alverdoe, filius ser Jans van Liegaerden den raaenre, Jan van sinte Baefs , Franclie van Ardoye ende Pieter die maetchenare, wettelike deelmans in skaermers ambocht in brugghe te dien tiden dat deze dinghen voer ons waren ghedaen, doen te wetene allen den ghue- nen die deze lettre zullen zien iof horen lezen dat caraen vor ons alse voer den maenre ende voer deelmans, Jan van Aerlebeke ende Jan Soy, elkerlyc over hem selven an een side, ende Pieter van der Aghe ende zine paerty of ander side; ende kenneden ende lyeden an beeden side vorseid dat van allen den ghescillc dat hadde ghezyn tusschen hem- lieden toten daghe van heiden, coemende ende sprutende van haerlieder landyscede tusschen haerlieder huussinghen staende te gadere tusschen sinte Jans brugghe ende Sconinx brug- ghe andie nordside vander Roye, datsie daer of bleven ziin ingherechten paize, faeyzante up ons maenre ende declmans vorseid in manieren van so wat dat wie lieden daer of seg- ghen ende wyssen souden dat beloveden zie an beeden siden vorscid te houdene vaste ende ghestade. Ende wie vorseide deelmans worden segghende ende wysende in gherechten paise, faizante naer der goeder informachien ende verclaerzinghen, die wie lieden der of ghehord

709

ende verstaen hadden, ende naer al dats vor ons lieden coemen was, dat die muer die staet tusschen haerlieder achterhuussen, up die west side van Pieters van der Aghe brouhuusse van Jans Sois ende van zirre paertien paertstalle nordward tote Maertin Malais achterhuusse, dat die vorseide muer aerlieder es ghemeene elker paertien alf ende alf, ende dat elkerlyc der duere ankeren mach te zinen ghevoughe, ende ziin gheraac mach maken in zine helt- schede up zinen cost, ende voert dat elkerlyc zyn water vanghen ende leeden zal up hem zelven haughen wetst mallyc andren; dit es hare rechte Iandysceed an beeden siden vorseid. In kennessen van desen dinghen hebben wie maenre ende deelmans vorseid dese lettre ghezeghelt met honsen zeghelen uuthanghende. Dit was ghedaen int jaer ons Heren als men screef ziin incarnachioen M° CCC° zevene ende dartich, swoensdaghes vor sinte Pieters daghe inganghende Oust.