Jan, heere van Gremberghe ende vanden Gruuthuse, stedehoudende van den Gouverneur van Vlaendren, doen te wetene allen lieden, dat als zeker ghescil gheweist heift tusschen den abdt ende couvente vanden Dunen of een zyde ende den habitanten van achte prochien in Veurnambocht, dats te wetene van Adenkerke, sente Woubourghen, Bewesterpoort, Steenkerke, Wulpen, Boidekins houc, Oostdunkerke, Bamscapple ende Parvise of ander zyde , ommc tocoysoen van zekeren paerden, waghene, harnassche ende dat daer toe dienen mach, die de habitanten van den vorseide achte prochien ghenomen hadden up diverse goede toebehorende der vorseide abdien, daerup zekere sententie by ons ghegheven heift ghesyn, naer den redenen ende betoghen diere partyen derof overghaven, dewelke inhout dat de vorseide habitanten, voorden achte prochien vorseid gheene cause hebben eenighe paerde, waghene of harnasch te nemene up die van den Dunen, noch up hare vorseide goeden. Ende voort dat zy in de restitutie by dien vanden Dunen gheheescht over dachvaerden van paerden, cnapen ende andere verliesen endo costen, die zy derof betoochden hebbende ghe- hadt, ghecondempneirt s}'n ten vorseide religieusen waert. De taxatie tonswaert ghehouden, alsoost claerleke met meer redenen bliken raach in die vorscide sententie, ende de voor- seide religieuse vor ons comen zyn omme hebbene onse vorseide taxatie. Ende datrup over- ghegheven hebben haren heesch up elke vanden achte prochien vorseid by verclaerse. Daerup wy de vorseide habitanten ombodcn hcbben ghehebt jeghen de vorseide religieuse, omme over te ghevene hare verweeren jeghen den vorseiden heesch. Daerup partyen vor ons com- pareren, wy by goeden avise mids den ghescille tusschen hemlieden wesende hier te voren hebben ghelast den heere vander Capellen, souverain bailliu van Vlaendren, ende mer Byquaerde vander Beerst. Daer partyen vorseid haer consent toe deden, omme hemlieden te veraccor- deirne, of daer zys uiet doen en mochten ons haer avis derof over te bringhene. Twelke avis ons overbrocht ende ghesien midsgaders heessche ende verweere van den vorseiden partyen vor ons ghedaecht wesende , omme thoorne onse ordenanche. Wy by ryper delibe- ratyen derup ghehebt in den ghemeenen raed myns gheduchts heereu van Bourgocpgen, grave van Vlaendren, wesende in daudienchie. Ghemerct up den tyd dat tverlies gheviel, ende den aermen staet van den habitanten van den achte prochien vorseid, hebben gheor- deneirt ende ghetaxeird, ordeneren ende taxeren, dat de habitanten vanden achte prochien vorseid verghelden sullen den religieusen vorseid, de parcheele hier naer ghescreven ende

761

clke prochie tghuend dat hier naer verclaerst es: Eerst die vander prochien van Parvise van eere merien die die vanden Dunen moesten lossen , dat zy derof zullen betalen xvij (£, xvj s. parisis. Item van drien merien die verloren bleven so sullen zy ghelden hxij (£ parisis Item vanden harnassche verloren, ix t£ parisis. Item van hondert twintich dachvaer- den.sdaechs x s. commen in ghelde lx t£. Dewelke parcheelen vorseid belopen hondert achte ende vichtich pond zestiene scelleu parisis, die de vorseide prochie van Parvyse betalen sal den religieusen vanden Dunen vorseid. Item de prochie van Wulpen van zesse mericn ghelost by dien vanden Dunen, daerof es ghetaxeirt cxx <£ parisis. Iteui vanden tween merien met eenen waghens die verloren bleven, es ghetaxeirt xxx t£. Item van C dach- vaerden te x s. sdaechs, comt l t£, belopeu de vorseiiie parchcelen te betaelne bi der prochie van Wulpen den vorseiden religieusen twee hondert pond parisis. Item sente Woubourghen prochie van drien meericn ghelost by dien vanden Duncn, es ghetaxeirt de vorseide prochie xlix t£ xii s. Van eere andere merie verloren, es ghetaxeirt xxiiij {£. Van C daehvaerden te x s. sdaeghs comt l (£• Belopen de parcheelen vorseit vander prochicn van sente Wubourghen hondcrt drie ende twintich pond twaelf scellen parisis. Item de prochie van Adenkerke van drien merien ghelost by dien vanden Dunen es ghetaxeirt xxxvj fg. Van eere andere merie verloren, xxiiij t£. Van xxx dachvaerden te x s. sdaechs, xv t£. Belopen de vorseide percheelen vander prochie van Adenkerke vive ende tseventich pond parisis. Item de pro- chie van Steenkerke van tweeu mcrien metten harnassche , die verloren bleven, es ghetaxeirt viere ende vichtich pond parisis. De welke sommen hier boven ghetaxeirt de vorseide pro- chien ende elke sonderlinghe haren tax boven verclaerst, betalen sullen den vorseiden religieusen vanden Dunen, deene helt binnen medcwintre eerst commende ende dandre helt binnen medewintre daer naest volghende. Voort de prochie van Bamscapple ende Oost- dunkerke die daerof bleven, in dordenanche vanden souverain bailliu ende Mcr Byquaerde vorseit, ende al dier ghelike des vorseide religieusen syn biden vorseiden ghedeputeirden ghetaxeirt, also ons de souverain overbrocht heift te gheldene die vanden Dunen, es te wetene de prochie van Bamscapple up l dachvaerden te x s. daechs, comt vive ende twin- tich pond parisis. Ende Oostdunkerke up xx dachvaerden te x s. sdaechs, tiene poud parisis; ende die te zettene ter eester zettinghen die de vorseide prochien maken sullen ende danne te betaelnc den vorseiden religieusen ende als vander prochien van Bewesterpoort, so en es niet ghetaxeirt, mids dat zy ghelooft hebben den vorseidcn religieusen ghenouch derof te doene. ln orconscepen van desen lettren ghegheven te Ghend in daudienchie, onder onsen zeghel, den derden dach van Wedemaent int jaer ons Heeren dusentich drie hondert neghene ende tachentech..

By mynen here den stedehoudere, present vanden BadeMer Josse van

Hale, den souverain Bailliu van Vlaeudren, Mer Heinric van Spie ende

andre in daudienchie.

Lefevbe.

06

762