In die name sVaders ende Soens ende shelichs Ghees. Ic Gherwin die Ward, machtich van sinne ende wel bedocht, ter ere ons Heren ende alre helighen, omme die zalicheden van mire zielen, make miin testament ende minen utersten wille hoe dat men testament ende uter- sten wille heten mach. Int erste willic ende ordonneric datme restoer over mie doe den goenen die hem van mie beclaghen ende suffizantelike betoghen moghen. Vort ter Does so kiesic mine sepulture ende wardat sake dat enich herscip weren wilde, noch tanne begheric

84

666

alst pais worde endelike mine sepnlture aldaer; vort te mire utinghen ende tenen zarke up mie te Iigghene ordineric ende settic c f£. Vort ordineric ende settic ene capelrie in die kerke van dcr Does over mine ziele, ende wille dat Katerine miin wiif der an deelachtich si, tenen zekeren autare aldaert den abt cnde den covente vander vorseider kerken best dinken sal, ende daer toe so ghevic ccftT au erven of an renten te legghene. Vort so ghevic aldaer den convente xx fg te drie petantien, dat es te wetene, upten dach dat men mie graven sal dene, dandre in miin dartinachte ende die darde in miin erste jaeritide. Vort so ghevic der porten vander Docs xx tg, rente mede te copene, den armen lieden mede te vorsiene elx jaers. Vort so ghevic ten dissche te Wervcke xx s. siaers. Ten dissche tonser Vrauwen tArdenborgh v s. siaers. Te sinte Marien Magdalcncn xx s. siaers den zieken petantie mede tc doene upten dach van mirien jaeritide. Tsinte lhans huus te Brugghe xxx s. also. Den scamelen huusweken te Brugghe xx s. siaers te deelne upten dach van minen jaeritide. Ten dissche van sinte Salvatoers in Brugghe xx s. siacrs also. Ten dissche van sinte Jacobs aldacr v s. siacrs. Aldaer in den Wingaerd v s. siaers ten potte. Ten dissche van sintc Gillis aldacr x s. siaers te deelne upten dach van minen jacritide. Ten dis- sche van sinte Cruus aldaer xn s. siaers also. Ten clissche van sinte Michiels bi Brugghe x s. siacrs also. Vort so ghevic den hospitale vanden Damme xvj d. siaers, die sie mie sculddich zien ende scelse hem quite. Den hospitale upte Potlerie v s. siaers tere petantie van wine uplcn dach van minen jaeritide. Tsinte Obrechts iij s. siaers den zieken also. Tsinte Claren 1e Brugghe also xx s. siaers. Tsinte Truden also xx s. siaers. Den Jacoppi- nessen bi Arsebroec v s. siaers also. Ten dissche van sinte Marien in Brugghe xx s. siaers te deelne upten dach van minen jaeritide. Ten dissche van Zuenkerke v s. siaers also. Den freren te Brugghe xxx s. uptcn dach dat men mie gravet te petanzen ende xxx s. te minen jaeritide ende xxx s. te minen dartinachte. Den Jacoppine aldaer also. Den Augustinen aldaer telken van den vorseidcn tiden xiij s. Den Agherstenbonten aldaer vj '/2 s. also ten vorseiden drie tiden. Den Carmers aldaer xxx s. telken vanden drie tiden vorseit cnde xv (g te haren ghewerkc. Vort ghevic broeder Pauwels Vanine iij f£ te sire noet. Tonser Vrouwcn in Brugghe ten ghewerke xl s. Aldaer tsinte Salvatoers xl s. also. Ten ghe- werke te sinte Baves bute Brugghc xx s. Vort clken acker zieken bi ere mile ghchende Brugghe, es hi in die ghilde of der butcn, xij d. Den pape van sinte Haves vorseit vij s. Den pape van sinte Amans xx s. Ten dissche van sinte Wouburghen in Brugghe x s. siaers. Ten dissche van sinte Carstoffers ij s. siaers. Ten dissche van sinte Amans aldaer ij s. siaers. Ten dissche van sinte Katelinen bi Brugghe iiij s. siacrs. Ten dissche van sinte Ihans ij s. siaers; cnde dese rente te deelne uptcn dach van mincn jaeritide. Vort so ghevic den covente van Spermaelgcn xx s. siaers te petanzen upten dach van mincn jaeritide. Ter hoft- kerken van Denremonde v ftt rcnte mede te copene te obite upten dach van minen jaeritide. Vort xl s. aldaer in den coer te vigilien. Den hospitale van Denremonde iij fft rente mede te copene cn v s. te pet;intien upten dach dat mcn mie gracft, ende also vele upten dach van mincn dartinachte ende minen jaeritide. Vort den covente van Zuieueke xx s. up elken van den daghen vorseit te pctanzen. Den freren van Ghent xxx s. up elken van den da- ghen vorseit Vort ghevic den here Gillise, pape van dcn gasthuse te Denremonde, xx s. Suster Katelinen v s. Den zieken x s. Jhanne Barnecoet v s. Broeder Bobrechte van Zaut

667

vorde xx s. Broeder Jhan Ysacke xx s. Vort so ghevic Lizebetten ende Versildcn niinen sustren, die siin begheven tsinte Claren te Brugghe iiij t£ siaers, ende wardat sake dat dene storve so caemt up tandre te haren live ende na harre beder doet, so kercthet weder ten rechten hore daert schuldich es te gane. Yort inder selver vormen ende inder zelver ma- nieren so ghevic Katelinen ende Truden, Clais kindren van Artrike, die hie hadde bi Katelinen, ser Ians Cortscoefs dochtere, die begheven ziin te sinte Truden bi Brugghe iiij t£ siaers. Vort ghevic Gherwine, ser Boudens soene vander Spoye, dien hi hadde bi Marien mire sus- ter, ser Bonins Wards dochter, lx t£. Kateline, Matheus dochter vander Laye, die hie hadde bi Truden ser Bonins Wards dochter, xxx t£, ende wardet sake dat so storve sonder hoer so soud weder comen ten rechten hore. Nesekine Bonins, Wards dochter, die hie hevet bi Anesen, meester Wouters dochtcr 1t£, bi also storf soe dat den housten meisken toecame, ende storf so sonder hor datten rechten hor toe quame. Vort so ghevic tuen kindren die bede heten Kateline, Michiels Zaghers dochteren, elken v ffi. Vort ghevic Claiskine, Clais Zaghers soene, xl ffi ende Trudekine sire suster also vele. Den here Pietre den Came, ca- pellaen tonser Vrouwen in Brugghe xl s. Ilannin Onolfe, mine cnape xx t£. Pieter den Iuede v tE, Lammekin van Sinbeke v t£ ende Willekin van Cokelare iij t£, bi also datse met Katelinen minen wive bliven bi haren goeden wille toter tiit dat so in betren paise sie, encle daden sies niet so willic dat dese ghefte quite zien. Vort dscult die mie sculdich es Gillis vander Biest, die sceldic hem quite ende gheven hem daer boven iij t£- Vort so ghe- vic lxxx tft ser lans kinderen van Anthiames, die hie hadde bi Margriete, ser Bobrechts Keinards dochter, die woenden tAkers, iof sie ghevanghen sien hemlieden mede te verlossene ende sinze niet ghevanghen so willic datse mine testamentarisse delen minen armcn maghen dies meeste noet hebben. Vort so settic in miere testamentarisse handen cc t& te bekerne sonderlanghe daer ic hem gheseit hebbe ende wille dat men haren simplen worden ghelove daer of. Vort so ghevic Oliven Clais dochter van Artrike, die hie hadde bi Katerine, ser Ians Cortscoefs doehter, lx t£. Vort ghevic den parochiacn vanden kerken te Denremonde xx s. Vort so ghevic xxviij t£ ovcr mie te zendene suffizantelike tsinte Jacobs daeric minen wech sculdich ben ende xx s. upten wech te deelne den ghenen diere over mie varen sal. Vort also te sessoen xl s. ende v s. te deelne. Vort alle mine clederen settic in miins wufs handen, te deelne daert haer best dinken sal. Vort so ghevic den convente van sint Truden bi Brugghc xx s. upten da<*h van mire uutvard xx s. in miin dartinachte endc xx s. in min jaeritide te petanzen. Vort van al dat ic jaerlix ghegheven hebben in renten, personen iof steden, die hier voren bescreven staen, so doe ic beset ende bewiist up al miin ervelike goet ligghende binne Brugghe iof der buten, so waer dat es ende raoghen siis niet ghecri- ghen of ghebruken, so willic dat deze ghifte te niette ga ende ghevielt also, so willic dat Kateline ende Trude, Clais kinderen van Artrike vorseit, over die iiij t£ renten die ic hem ghegheven hebbe, lx t& hebben, iiij t£ siaers mede te copene eude te hebbene inden selven vorme dat vanden ersten iiij tfr vorseit es, ende indeu selven mauicren ende vormc willic dat hebben oec lx t£ Lizebette ende Versilde, mino sustre vorseit, over hare iiij t£ siaers, moghen sise niet ghecrighen. Vort willic dat die lx t£ die ic hier voren ghegheven hebbe Gherwine, ser Boudens soene vander Spoyc vorseit, ghebrake siins keren up die kin- ders die siin vader hadde bi sire moeder ende elneghene. Vort ordineric ende willic dat

668

alle die ghiiften, die hier boven bescreven staen in ghelde, dat mense gheve ende ghelde met alsnilker moenten als ghemeenlikc loep ende gaet ins grave land vaii Vlaendren. Vort 80 ghevic Katelinen minen wive alt faselment bede selveriin, pladin, ende goudin, ende al ander falsement so wat dat es dat mie ende minen huus toe behord, haren vrien ende haren eghinen wille mede te doene. Vort so ghevic hare te haren live aldat ic hebbe ant huus cnde datler toebehort staende int Ghent hof, up Bonins land vanden Walle ende sire broder ende sire sustere ende Veravesoeten, ser Pieters Bugghes weduwe, land ende den andre diere toe behoren. Vort alle dese vorseide sticken te voldoene ende te volbringhene kiesic ende inakic mine testamentarise ende raine executoers den abt vander Does, die nu es of wesen sal, of man die hie van siucn lieden in sine stede setten sal, Katelinen min wiif, ende Jacob den Ward miner broder, bi also dat abt iof raan van sinen talven alst vorseit es met hem beden wilse iof moghen sire toe verstaen, iof metten enen vanden tuen iof allene ne moghese iof ne wilsere niet bede toe verstaen, dit exequere ende wlceome, ende ic gheve hem wlcomenlike macht al dese vorseide sticken te exequerne ende te wlbringhene, ende binde daer toe al min goed bede erve ende kateile so waer onder so wien dat ment vinde, ende set in haren handen, ende wille ende ordinere dat nicmene van minen aeldinghers min vorseit goed dele of anerarde in enigher manieren dat ware iof dexecntie van dezen testa- mente ende vandeser ordinance van minen utersten wille lette of achtre bo dat ware ende daetsiet dat miuen testamentarisse vorseit den here van den lande iof den goenen die hem bcst helpen mach alle dese dinghen vort te doen gane, gheven moghen van mine goede also vele als hem nutte dinken sal ens noet word. Ende ic ordinere ende wille dat dit testament eest in manieren van testamente iof utersten wille hoe dat men utersten wille heten mach, vort ga ende cracht hebbe metten meesten rechte daert mede vort gaen mach ende cracht hebben ende omme dat ic willc dat dit testament ende mine ordinance van minen utersten wille vast ende ghestade sie ende wel voldaen so ropic hier over alse orcon- den den here Gosine deken, den here Henrikc, prochiaen vander kerke van Denremonde, Diedrike den amman , Jhanne Capellane cnde Ghiseliue vanden Henden, scepenen vande port van Denremonde endc bidde hemlieden dat siese orconden ende zeghelen mitsgaders minen testamentarisen ende mie met haren zeghelen uuthanghende in kennessen eude ghedinke- nessen dat seker dinghen sie. Ende wie deken, prochiacn ende scepenen bi namen vorseit hier over gheropen alse orconden van alle den voi'3eiden sticken ende ghebeden van Gher- wine den Ward vorseit alse die gocne diese wel verstonden hebbense gheorcont ende dese lettren te kennessen ghezeghelt ende oec wie abt vander Docs endc Jacob die Ward testa- mentarise vorseit uuthanghende met onsen zeghelen mitsgaders Giierwine vorseit, die dit met sinen propren zeghele int erste ghezeghelt hevet. Dit was ghedaen int jaer ons Heren als men screef sine Incarnatie dusentich tuehoudert neghentich ende neghene, sdonredaghes vore sinte Niclausc daghe in den wintere.

f)69