Wie Joris van Aertrike ende Jan van Ryssele, scepenen in Brucghe in dien tiden dat desen dinghen vor ons waren ghedaen, doen te wetene allen den ghuenen die dese lettren zullen zien iof horen lesen, dat camen vor ons aise vor scepenen Jan Boord ende Lisebette svn wyf, over heraleiden ende over haerleider naercomers, ende kenneden ende verlieden dat zie ghenomen hebben tieghen Jacobpe den Heict ende tieghen zine naercomers tenen

751

eweliken ende erveliken cheinse, een eestre met twee poorte der toe behorende staende

ende lecghende in de Boverie, met alle den thunen ghelike dat im hetuunt staet, naeste Jan Cunnebiers lande, wilen was of een zide, ende Ileinrix eestre van Assenede of ander zide, achter waerds streckende tote der stede waterganghe; omme twintich sceleghen groten tornoyse elkes jaers ewelike ende ervelike tallen daghen gheduerende. Ende Jan Boord ende Lisebette syn wyf vorseid wedden ende beloveden over hemleiden ende over haerleider naercomers, den vorseiden Jacobpe den Heict hem ende zine naercomers desen vorseiden eweliken cheins te gheldene, elkes jaers ghelike dat vorseid es. Ende tvorseide eestre ende tune te houdene staende ende altoos te beterne cude niet te aerghene zonder fraude iof enich malengien. In kennessen van desen dinghen hebben wie scepenen vorseid dese lettren uuthanghende bezeghelt met onsen zeghelen. Dit was ghedaen int jaer ons Heren ais men screef duzentich drie hondert viere ende tsestich upten tiensten dach van Sporkele.