Wi Florens, grave van Hollant, van Zelant ende here van Vrieselant; maken cons ende kenlic alle den gheenen die desen brief zullen zien iof horen lesen, dat wi van allen tuiste die ghewecst heeft tusschen den.. abbet ende convente van der Does up die eene

621

zide, heren Willarae, hcre van Striene, daer God die ziele of hebben moet, ende Clayse Van Putte, an wien, na hem, die antale bleef, overmids thuwelic dat hi dede an des voerghenoemts heren dochter van Stricne up die ander zide, alse van den ghoede dat men heet die Heylighe Bergh, gheleghen binnen den bisscopdoem van Ludike, met alle den lande, woestinen, moer, heerscepie, ambocht, tiende ende al trecht dat des voerghenoemts heren vorders van Striene ghegheven hadden in rechter aelmosene den ghoetshuse van der Does, in ghedinkenesse hare ziele, hare voeder zielen ende sgrave Florens ziele van Hollant, rusteleke ende vredeleke, ewelike te besitten eurle te besighen ende te ghebruken toet hare nutscepe ende orbare alse haer heyghenlike ghoet, utghenomen dat hogheste recht, twelke ghoet gheleghen es binnen desen marken ende palen, die liier na bescreven staen. Dat erste marke iof pael beghinnet van der overdraghe daerse wilenneer lach doe die monike besaten cnde bewoenden dat voorseide ghoet ende loept van dane toet eenen andren pale, die gheleghen es van der Dodemare ses roden varre. Die ander pacl, iof marke, loept van den voernoemden paele toct enen andrcn pale, die staet van gravinnen sloet varre hondert roden. Dat darde marke, iof bescheet, loept van den voorscrevene pale toet enen andren pale , die oec gheleghen es van gravicnen sloet hondert roden varre. Dat vierde pael, iof beschcet, gaet voert van den voerseiden pale ende streck up toet enen andren pale, die staet rechte up gravinnen sloet, ende loept toet eenen andren pale, die stact up der monike Iodiic, up den moer ende loept bi der monike lodiic, die staet neffens tclene Vorrc, ende tclene Vorre in die Marke, ende die Marke ter overdracht. Voert alle die watre die binnen den voerghenoemden marken ende palen begrepen zyn, hoe dat mcn se heet, ende dat recht daer inne te visschen in alre raanire daerse vissche mede vanghen moeghen ende zonder langhe in gravinnen sloet, ende die rivire die me heet dic Marke ter helft ende trecht daer inne te visschene in allen maniren ende zonder langhe staelbome daer inne te setten ende te hebbeue. Voert dat zy diken moeghen doer tgrote Vorre daer zy willen, up dese voerwarde, dat zy van gravinnen sloet toet in tclene Vorre enen waterghanc delven ende houden, bi den welken, dat alle die liede, dic by den groten Vorre haren waterghanc plaghen te hebben, haer lant ende haren moer ut te watrcn. Waer of zy an beden ziden voer ons verteghen van allen lettren, privilegien ende antale die elk up andren hadden, ende schondense quite ende blevens up onse zcgghen, twelke zegghen wi bi rade ons raets voertbrochten in desen worden, dat, dat ghoetshuis van der Does ewelike behouden ende besitten, besighen ende ghebruken zal, rustelike ende vredelike dat voerghcnoemde ghoet met allen dat daer toe behoert, alse hare proper eyghen ghoet, in alre manire alst voer- bescreven staet ende quite ende vri van alre antale iof calanghe van Clayse van Putte voer- seit, zinen wive iof oer dat van hem beden comen mach cwelike te bliven. Ende Clais van Putte zal of doen zonder schade des voerghenoemts ghoetshuis van der Does, alle die ghene die up dat voerscrovene ghoet zyn buten wille des abbets en des convents van der Does voerseit. Ende daer bi heeft dat ghoetshuis van der Does, Clayse van Putte die voerscreven es, voer hem zelven, zyn wyf iof oer, dat van hem beden coinen mach betaelt in ghereden ghetelden ghelde, hondert pont niewer hollants. Ende tghoetshuis van der Does voer- seit zal hebben tote Crabbendike in Zuitbeveland twee monike priesters aldaer cclebrerende voer der gheere ziele van wien dat het dat voerseide ghoet heeft, ende sgrave Florens ziele

-

622

voerseit, het ne ware dat wi iof onse oer na ons vonde, dat ment up dat voernoemde ghoet zomlcr vrese van den water ghevoeghelike doen mochte ende dat voerghenoemde ghoet, suffisant ende ghoetghenoegh daer toe ware zoe, zoudeme daer up maken eene capelle daer twee moenike priesters celebreren zouden voer der gheere zielen die voorscreven staen. Enile dit bescet weder ment up dat voernoemde ghoct alst voerseit es doen mach iof ne mach, blivet staende an ons ende onse oer, ende an Clayse van Putte niet noch an oer dat van liem iof van zinen wive comen mach. Ende dat hoegste recht van den voer- ghenocmden ghoede zal bliven ip Clayse Van Putte ende upt oer dat van hem ende zinen wive, die hi nu heeft, na hcm beden levende blieft. Want zy an beden ziden hem ghenoe- ghen lieten met onsen zegghen alst voerscreveu es, ende wi willen dat ment an beden ziden ewelike vast houde ende ghestade zonder alrande arghelist hebben wy desen brief uthanghende beseghelt met onsen zeghele, ende ghegheven den ghoetshuse van der Does in ghedenkenisse ende betoghe van alle den poentcn die voerscreven staen. Geseeghelt tor- dre ter Minderbroeder, des zaterdaegs voer sinte Agnieten daghe int jaer ons Heren ducent twee hondert vier ende neghentich.