Noverint universi quod cum inier viros religiosos.. abbatem et conventum de Dunis ex una parte et.. abbatem et conventum Sancti Nicholai de Furnis ex altera, super quadam piscatione a loco qui dicitur Grontgate, usque ad locum qui dicitur Yetus Sclusa se exten- dente, discordia verteretur. Tandem dicti.. abbas et conventus de Dunis per fratrem Thomam, monachum procuratorem suum generalem, habentem compromittendi in arbitros potestatem.. abbas vero Sancti Nicholai Furnis pro se et frater Johannes canonicus et procurator gene- ralis conventus ejusdem loci, habens similiter potestatem compromittendi in arbitros pro bono pacis, in me magistrum Walterum dictum Elfare, canonicum Furnensis, arbitrum a dictis partibus concorditer electum, compromiserunt, promittentes sub pena triginta librarum fian- drensium, parti observanti arbitrium a parte ab arbitrio resiliente reddendarum. Quicquid ego arbiter de dicta piscatione arbitrio, ordinatione, seu compositione duxerim ordinandum ac statuendum, ipse partes firmiter abservabunt. et si in presenti arbitrio, seu compro- misso aliquid ambiguum fuerit vel obscurum, ego illud declarare potero prout mihi visum fuerit expedire, sicut hec omnia in litteris, J. decani Sancte Walburgis furnensis et J. decani christianitatis ejusdem loci, plenius continetur; postquam vero sicut superius est expressum in me exstitit compromissum onereque ipsius arbitrii in me suscepto, auditis super dicta discordia de pleno utriusque partis rationibus, die prefixa ipsis partibus, videlicet sabbato post Nativitatem beate Virginis, ad dictum meum super dicta discordia proferendum, dictaque die.. abbate et conventu dunensi per procuratorem comparentibus, ac abbate Sancti Nicholai Furnensis per se scilicet conventu ejusdem loci per procuratorem eadem die comparentibus et dictum meum instanter proferri petentibus, arbitrando pronuntio dictam piscationem, prout superius est expressa et prout se ad presens extendit ad abbatem et conventum Sancti Nicholai Furnensis pertinere, et pertinere debere, ipsosque .. abbatem et conventum dunensis in eadem piscatione et actu piscandi nichil juris reclamare posse, nec etiam debere de jure, verumque dicta piscatio supra fundum dunensis consistit pro parte, ut creditur, seu pro toto. Sic ordino amicabiliter inter partes quod ipsi.. abbas Sancti Nicholai et conventus promit- tant et debent promittere per meam ordinationem amicabilem dictos.. abbatem et conven- tum dunensis tribus diebus singulis annis, uno die in mense Octobri, alio die in mense Decembri, et tercio die in mense Martio, piscari in piscatione predicta unumquemque dictorum dierum, sumendo ab ortu solis usque ad occasum, ita tamen quod quando dicti dunenses debent

403

sumere dictos tres dies in mensibus supradictis, pro piscando in piscatione memorato magister de Hem Dunensis, magistro de Hem Sancti Nicholai, hoc prius tenebitur nuntiare et tunc demum dictus magister de Hem Dunensis vel ejus nuntius piscari debebit in piscatione pre- dicta et hoc dictis diebus ut superius dictum est et non de nocte. Hec omnia injungo predictis partibus sub pena in compromisso apposita inviolabiliter observare, reservans michi potestatem declarandi, si que fuerint in premissis ambigua, vel obscura. Et quia copiam sigilli mei non habeo, usus sum sigillo venerabilis viri decani ecclesie Sancte Walburgis Furnensis. Actum anno Domini M°CC°LX° primo, mense Septembri.