Aelbrecht, bi Goids genaden palens grave npten Ryn, hertoge in Beyeren, grave van Hcnegau, van Uollant, van Zeelant ende here van Vrieslant, doen cont allen luden want dat hof tot Crabbendike, in onscn landc van Zuytbevelant, toebehorende den cloester vander Does, dcr oerden van Cisteers in Vlaenderen, onsen voirvorderen ende ons altois gehouden heeft geweest tot zekeren tiden jaerlix onse ghesinde cnde paerde te houden, te voeden ende te leveren als onse voirvorderen of wy die dair gesent hebben; twelke den cloestcr ende hove voirseid alle tyt tot meerren laste, scade ende coste gecomen heeft, dan ons dat vorderen mochte, soe hebben wy om Goids willen cnde om profyt ende orbaer des voirseide cloesters vander Does ende hove van Crabbendike, mitten abt ende den ghemec- nen convente van der Docs voirseid, gunstcliken over draghen, dat wy ende onse nacomc- linghen hun verdraghen sullen sulcs dienste van onscn gesinde ende onse cnde hocr pacrde te houden, te voedenen ende te leveren als hair toe gcwoenlic geweest heeft. Ende geloven voir ons ende voir onsen nacomelinghen den abt ende couvent voirscid, dat wy ende onse nacomelinghen onse paerde, onse ghesinde ende hoer paerde toten voirseiden hof niet en sullen senden, noch hun dair mede belasten, ende den renlicr des hoefs van Crabben- dike tc beschermen van allen onsen ondersaten dieze hoers onwillens mit sulker leveringhe of voederinghe van ghesinde ende paerden souden willen belasten tot alre tyt als sy ons dat thonen ende aenbrenghen sullen. Ende hier voir hebben ons cnde onsen nacomclingben gheloeft die abt ende couvent vander Does voirseid te leveren binnen onse stede van Delf alle jare drie hondert hoet havenen goeds custbaers of cotnans goed der maten van Delf of van Ysersike, in Zeelant, wcz ons ghenocghen sal op horen coste, scade ende anxte, die een helfste tot onscr Vrouwen daghe lichtmisse naest comende ende die ander helfste binnen meyemaent dair naest volghende ende also voirt van jaer te jaer opten terminen voirscid. Ende voirt sal die rcntier van Crabbendike, die nu is of namcls wesen sal, die kerke der moniken woninghe ende alle stallinghe, scuercn ende huse die hair toe dair geweest hebben ende noch syn , in goeden rake endc dake houden op des hoefs cost ende niet ghedoghcn te vergaen. Dit sal gedueren twalif jaer lang na den datum van desen brieve, ende dair cn tcnden so mogheu wy of onse nacomelinghen, of die abt ende couvente voirseid ende

763

hoir nacomelinghen dese voirwarde ende eeudrachte elcs den auderen op segghen, welc onser des genoeghen sal. In orconde desen bneve besegelt niit onsen segele. Gegeven in den Haghe, op sinte Jans dach te midzomer, int jaer ons Heren M CGG vyf ende tnegentich.

S. ex Cos.

Jussu domini ducis Alberti, prcsentibus de consilio domino Nicolao de Corthreen, domino Brustivo de Heerwuide, militibus, et Wilhelmo de Crouc- burch et Jhanne de Ueemvliet, nrmigeris.

G. de Coust.

A cette charte e$t attache le codicille suivant:

Willam van Beyeren, van Henegau ende van Hollant, bider genaden Gods grave van Oistervant, doen cont allen luden dat wy geconfirmeert hebben ende confirmeren mit desen brieve alle alsulke cope ende dadinghe als onse geminde in Gode die abt vander Does ende syn rentier van Crabbendyc gecost ende bededingt heeft jeghens onsen lieven geduchten heer ende vader van Hollant, roerende den goede ende uthove van Crabbendyc. Ende ge- loven die stade ende vaste te houden sondcr verbrekcn, in allen manieren als ons liefs heren ende vaders brief, dien zi daer of beseghelt hebben daer onse jeghcnwordige brief doirsteken is inhout ende begrepen heeft. In orconde desen brieve beseghelt mit onsen seghele. Ghegeven inden Haghe upten xvj,D dach in Novembri int jaer ons Heren M CCG vive ende tnegentich.