Wie Loys ser Hughen zone, Jan Hughen zone, Boidiin Hugheraans zone ende Jan Kille, schepenen in Hulsterambacht in dien tiit als dit ghedaen was, doen te wetene ende maken kenlic allen den ghenen die dese presente letteren sullen zien ende horen Iesen, dat vore ons quamen in propren personen, Dankaerd van Zedelgheem, Daneel van Zedelgheem ende Jan van Zedelgheem, ende verlyeden bi haren vryen wille dat sii hebben vercocht wel ende wettelike om ene sekre ghenoemde somme van penninghen, die hem al es vergholden, den rentier vanden Zande, den here Harnoude den pape, Dankaerd Splentere, Bouden Arnouds zone, Pieter Splenters zone ende Heinric Nordike, twe hondert roeden lands ligghende in de prochie van Hontenesse in de Hee. Item so quam vore ons, alse vore schepenen, Dankaerd Splentere ende verlyede dat hi hevet vercocht wel ende wettelike omme ene sekre ghenoemde somme van penninghen die hem al es vergholden den selven voren ghenoemden personen, tneghentech roeden lands, ligghende in de vorseide prochie ende ter selver daer dander land leghet deen neffens dander. Item so verlyede der ghelike vore ons alse vore schepenen, Vriese vanden Hove dat hi hevet vercocht wel ende wettelike omme ene sekre ghenoemde somme van penninghen, die hem al es vergholden, den selven voren ghenoemden personen hondert roeden lands, ligghende in de selve vorseide prochie ende ter selver stede deen neffens dander. Ende dit vorseide land hebben alle de vercopers boven bi namen ghenoemt, beloeft elc siin parcheel also boven yerclaerst es, ende beloven te waranderne vry ende. claer jeghen elken mensche ende daer up te houdene scadeloes ende sonder calaenge van hareu halven toecomende naer costume ende usage van den lande. Ende dese vorseide drie hondert ende tneghentech roeden lands, hebben de rentier vorseit ende sine ghesellen in desen vorseiden coep, also als sii boven ghescreven staen, ghecocht ende ghecreghen met haren propren ghelde tenen weghe streckende van Bouden Arnouds zoens tote Schoudee damme. Ende hets te wetene dat derden deel van desen vorseiden weghe toe behoert den rentier vorseit, ende dandre twe deel den voren ghenoemden viif personen- Ende ne gheen van hem Heden, en sal den anderen moghen weren van den vorseiden weghe, ende oec ne sal niemen daer in moghen comen, noch bate, noch profiit in nemen, hi en moet den rentier ende den personen voren ghenoemt, also ghemoeden dat het sii bi haren goeden wille ende bi haren consente. Ende omme dat alle dese vorseide dinghen sullen bliven

742

goet, vast ende ghcstade ende te bet stede houden ten eweliken daghen so hebben Dan- kaerd van Zedelgheem, Daneel van Zedelgheem, Jan van Zedelgheem, Dankaerd Splentero ende Vriese van den Hove vorseit, alse principale vercopers, dese presente letteren gheseghelt up hem selven met haren zeglen huuthanghende. Ende hebben ons ghebeden dat wiit up hem willen kennen alse schepenen, ende omme de meerre versekerthede hier ane hanghen onse zegle, metgaders den haren twelke wii huut beden ende versoeke van hemlieden hebben ghedaen, in ghedinkenessen, in crachte ende in confirmatien van allen den vorseiden din- ghen. Dit was ghedaen ende vulcomen up den zevenden dach in de Ougstmaent in tiaer van gracien als men screef dusentech drie hondert ende viiftech.