Nous Guis, cuens de Flandres et marchis de Namuer, faisons savoir a fous que nous avons vendut bien et loialment par le main de nostre foiable Huon de le Voulrestrate, bourgois do Gand, a religieus houmes et nous bons amis et nostre signeur le .. abbey et le couvent des Dunes, siscante et quinze bonniers de muer a tout le treffons, gisans ou mcstier de Hulst ou liu ke on appelle Oestmoer, en deux parties, dont sour le frontel de lor inuer en gist une partie, ki contient quarante quatre bonniers et deus mesures, et uue pieche ki sacoste alun leis et est ausi comme uns gierons, et paer deseure vers le Loe en estendant contremont deseure leur moer desus dit, gist li autre partie ki contient trente bouniers et une mesure, et somment ches deus parties mises a une les siscante et quinze bouniers desus dit, dont nous lor avons donnei par le vendage desns dit cascun bounier a tout le treffons pour vint et neuf livres de nostre monnoye de Flandres, et summe chis nos vendages en deniers deus mil cent siscante et quinze libres de nostre dite monoie, de le quele summe de deniers nous nos tenons aentierement el bien paiiet et sols des desus dis .. abbei et convent des Dunes, ken bestes grosses et petites, ken bleiken avaine, ken formages ke nos gens a nostre besoin et pour le provances de nostre hostel ct de nos warnisons faire en le guerre ke li rois de France et si alliiet nos ont faite, on pris en lor maisons et ke lor ont, a nostre command amiablement delivrei, juskes a le value de le summe desus dite entierement, dont nos gens et les leur per cheaus ke de che sevent le value fisent faire certaine prisie et les avons quiteit et quitons de toute li summe de nostre vendage de muer a tout le treffons desus dit permi le value des provenances desus dittes, ausi entierement t ausi quitement comme sil nos eussent de le summe de deniers desus dittc fait plain et bon paiement en monoie bien contee et coursaule en nostre paiis. Et lor devons et encouvent avons le muer desus dit a tout le treffons a conduire comme venderes, et lor avons promis et prometons en boine foi pour nous et pour nos hoirs contes de Flandres, les siscante et quinze bonniers de muer a tout le treffons desus dis, a sauver et warandir a eaus et a lor successeurs a tous iours contre tous, comme sires de le terre par mi siis deniers de cens par an pour chascun bounier, a paiier chascun an au jour saint Remi a nostre recheveur ki nos rentes et revenues de tele condition kache de par nous la entour u li muers desus dis gist, et sauveis a nous et a nos hoirs contes de Flandrcs , toute signourie et toutes droitures ou vendage dcsus dit a tout le treffons et le justicc, et pour

/

372

souvenauce, seurtei et tesmognage de tout chc, avons nous as desus dis.. abbei et couvcnt des Dunes donneis ches presentes lettres saelees de nostre sael, ki faites furent lan de grace mil deus cens quatre vins diis et sept, le jour Saint Vincent martir.