Wi Willem Everdeys zone, Hughe Bots zone, Jan Calle, Jan Troest, Pieter Hughemans zone, Lauereyns Pudenbroec ende Wouter Gheluc, scepenen in tSaeftinghe, in dien tiden als dit ghedaen was, maken cont ende kenlic allen lieden, die dese lettere sullen zien of horen lesen dat camen vor ons als vor scepenen, Jacop Calle tser Jacop Michiels sons zone ende Kateline syn wettelike wyf, kenden ende verliden dat si hebben vercocht wel ende wctlelike broedcr Daneele, moermeester van der Groeden, ter kerken behoef van der Does, twee bunrc moers met allen metten gronde ligghende yn eene stede, die men heet der Zee- landers moer, an dc west side van Ottelyns mocre endc an die oestside van Jacop Spots moere, om eene zekere somme van ghelde, dat es te wetene zevene ende twintich pont grote ende tiene scellinghe grote, van der welker somme van ghelde broeder Daneel vorseit, heeft betaelt vyf pont ende tien scellinghe grote ende desen vorseiden moer cochte Jacop ende Kateline vorseit jeghen Janne Pauwcls, zone van Bielant, den welken Janne, Jacop ende Kateline vorseit noch sculdich syn van den coepe van den moere vorseit, twee ende twintich pont grote te gheldene binnen elleven yaren naest comende, dat es te wetene tote elken kerstavende, viertich scellinghe grote, totc der tyt dat de vorseyde twee ende twintich pont grote al bctaelt sullen syn. Ende dese vorseide scult beloeft broeder Daneel vorseit te beta

757

lene over Jacoppe ende over Katelinen syn wyf vorseit den vorseiden Janne te al sulken daghen alst voren ghescreven es, ende waert zo dat broeder Daneel vorseit, inghebreke ware van betaelne, daer Jacop vorseit of bescaed worde, daer in soude broeder Daneel vorseit ghehouden ende de vorseide Kerke vander Does ende Jacoppe vorseid daerof ghenoegh doen, ende met deser vorseider beloeftucht ende met den ghereeden ghelde dat broeder Daneel vorseit betaelt heeft Jacoppe ende Katelinen sinen wive vorseit, so heeft hem broeder Daneel ghenoech ghedaen als van den coepe van den moere vorseyt, ende broeder Daneel vorseit esser ingheervet ende wettelike toe comen naer <le core, costume ende alre usaghen van den lande van tSaeftinghe, ende Jacop ende Kateline vorseit beloven broeder Daneele ende siere kerken vorseit te houdene up den vorseiden moer vry ende pasivelic, jeghen elken mensche diere recht anheeschen mochte, naer de core, costume ende der usagen van den lande van tSaeftinghe. Ende waert so dat die broeder vorseit of sine vorseide kerke hier of bescaet worden, die scaden consenteerd hem Jacop ende Kateline vorseit dat hi die ghecrighe endc inne up al de rente die hem Jan Toen ende Hughe Bots zone sculdich syn van den moere die si jeghen Jacoppe ende Katelinen vorseit ghecreghen hebben, ende ghebrake daer an yet, dat beloeft Jacop ende Kateline syn wettelike wyf te wlcomene up haer goet so waer dat gheleghen es. In kcnnissen der waerheit.van al den vorseiden din- ghen, wy scepenen vorseit hebben desen tsaertere bezegbelt met onsen groten ghemeenen zeghele wthanghende, int jaer ons Heren als men screef dusent driehondert ende vichtich, up den eersten dicendach van Aprelle.