Ic Jhan, ruddre, here van Ghistele, van Formesele ende van der Woestinen doe te ver- stane allen den ghoenen die dese lettren sullen zien iof horen lesen, dat cam vor mie Bou- dene de Hamer, myn man ten tiden dat dese dinghe ghehandelt waren ende ghaf mie te kenkene ende makede mie cont sine noed ende de scult daer hie in lach, uter wel- kere hie niet coemen ne mochte, ne hem quiten alst openbare ende kenlich was, hie ne worde ende dade hem buten van twe linen lands ende viere ende vyftich roeden, die hie van mie te leene hilt, ligghende bachten Frerinnen, noerdover de Reye, bider moeneke Spoie van der Does ande westzide, beghinnende anden diec van der Reye ende streckende noerd- ward tote Raven Danwils ende Hannekins Lamsins Hamers soens lande, ande westzide van den welken lande vorseit leghet 's Pieters Bugghers Iand, an dostzide der meentuch zidelinghe die utwatcrt te Heyensluus. Ende omme dat mie dies vorseits Boudens ontfaremde ende dat land mire ghoeder vrinende sabts ende scouvents van der Does ghevoech was, soe dedic te ghader alse wet ende uzadze ghaf mine manne Jacoppe van der Lanterne, Moene Ackere, Jhanne Gielis soene, Hannekine Hannins soene, ende Pietere Weitins soene , ende als dese verghadert waren, doe cam Boudene de Hamer vorseit ende droech wel ende wettelicke in mie duere sine noed bekent van minen mannen vorseit alghehelicke dat land ligghende binnen den terminen vorseit, dat hie van mie te leene hilt by mire manne

630

vonnesscn vorseit die daer up van mie wel ende wettelicke ghemaent waren. Ende alse dit ghedaen was cnde ic dat land vorseit wel ende wcttelicke in minen handen hadde vort die vorseide kerke van der Does mede te ervene, soe cam ic ende droecht wel ende wette- lickc bi mire manne vonnessen daer up van mic ymaent duere noed bekennct in broeder Lambrechts handen, tsmesters van den Hove van der Does, ter kerke boef van der Does vorseit ende daer halmet ics mie ende ghavet up wel ende wettelicke bi mire manne vonnessen vorseit die daer up ymaent waren van mie. Ende daer tenden soe scald ic quite dat land vorseit van allen lecnlicken dienste ende van allen rechte dat ickere in hadde iof hebbe mochte in enigghere mainniere als here van leene ende soe wat maennieren dat wescn mochte ende ervet alse varre als mie toe behorde ter kerke boef van der Does dat soere mede ewelicke gheervet blive in diere maennire dat onse here de grave van Vlaen- «Iren ende marche van Namur dese vorseide dinghe ghestade hebbe ende sinen consent der toe doe. Ende omme dat ic wille dat dese dinghe wast ende ghestade bliven ewelickc soc hebbic dese lettren tc kennessen ghezeghelt met' minen zeghele uthanghende. Dit was ghehandelt ende ghedaen int jaer ons Heren almen screef sine Incarnatie twelef hondert ende twc ende tachtentich, tsvrinnendaghes vor sinte Niclaus daghe.